Racom Maubisse (19/10/2023) Kandidatu ba Xefe Suku Manetu Postu Administrativu Maubisse Munisípiu Ainaro, Lucas Mendonça ható ninia prontidaun ne’e liu husi Rádiu Talk ne’ebé halao iha Studiu Radiu Komunidade Maubisse Mau-Loko Kinta ne’e (19/10).
Lucas hateten hanesan foinsa’e ida disidi kadidataan ba Xefe Suku tamba durante tinan 20 resin Dezemvolvementu iha Suku Mantu lao patina iha dalan klaran, liu-liu maka Eletrisidade no kondisaun Estrada ne’ebé susar atu ultrapasa iha tempu udan.
“Hau Núdar Juventude atu kandidatu-an ba Xefe do Suku ho motivu katak durante tinan Ruanulu Resin ita la senti katak Dezenvolvimento nebe mak patina iha ami nia Suku rasik ho núne’e mak motiva hau hamrík ho posibilidade-mente ho vontade mente atu kontribui ba saida maka oras ne’e dadauk suku refere infrenta sai hanesan Suku ne’ebe’e maka la dun iha Dezenvolvimentu iha ami nia suku rasik” Hateten Lucas Mendonça liu husi intervista ho Jornalista Rádiu Komunidade Maubisse Mau-Loko (RKMM) 19/10/2023.
Tamba ne’e nia komprometidu katak wainhira hetan fiar husi Povu Suku Mantu Maubisse iha Elisaun Suku loron 28 fulan Otubru tinan ne’e maka prioridade dahuluk asesu roman Eletrisidade, no Estrada ne’ebé sai prokupasaun ba Komunidade Suku Manetu Postu Administrativu Maubisse Munisípiu Ainaro durante ne’e.
Laos ne’e deit sei kuntinua tau matan buka solusaun hadia fasilidades públiku sira ne’ebe instala ona hanesan Postu Saude, Eskola, Be Mos no Seluk tan.
“Povo fo duni fiar ba hau mak hau tenki hadia prioridade liu mak Ahi, Segundu maka Dalan, terseitu mak Bé Mos, Quartu maka ita ba fali Edukasaun, Saude. No mós tenki hadia fali joves sira nia talentu tenki diknifika sira, ba mós ema Defisientes, Kbít- Laek sira, no mos hau sei aruma hau nia kolega estudante no Intelektuais sira no sira ne’ebé maka Kompleta SMA sira laiha rekursu finanseiro ne’ebe’e maka dudu sira ba kontinua maibe hau núdar jerasaun ne’ebe’e maka protidaun hau tenki kopera ho parte hotu-hotu bele fasilita kursus balu iha Suku. Kompremetidu katak ida hau tenki halo núne’e bele fasilita kolega Feto sira no mane sira no alin sira atu kapasita liu-liu sira nia mentaliadade hodi núne’e bele fasilita sira nia familia no mos familia sira ne’ebe iha suku ne’ebe’e oras ne’e balu seidauk asessu ba edukasun Nonformal.” Hateten Lucas.
Kandidatu Xefe Suku Manetu Ne’e Kuntinua Fundamenta Liu tan katak;
“Pontus primeiru nebe mak atu hadia nee mak Ahi tamba Suku Manetu ne’e ita la senti Ukun-An ida ne’e, tamba iha ne’ebá nee kan Aldeia Hitu kuase rua ho resin Rus-Lau sorin, Daulelo sorin, e Borulu kuaze lakan mas balun-balun foin lakan tamba sira hela besik istrada ne’e mak Ahi kona mai fali ami Rus-Lau kona sorin deit maibe mota sorin lakona ida, no mos parte Daulelo mos hanesan ida mai mota sorin maka kona ida ba fali mota sorin nee nunka kona. Ne’ebé ita tenki tau prioritiza ne’e maka Ahi ne’e ita tenki iha komtmento ho parte hotu, Veterana, Veterano, Intelektuais sira hotu katak ita tenki serbisu hamutuk hodi hadia primeiru maka Ahi, segundu maka Edukasaun. Tamba Edukasaun mais importante ne’e maka save Dezenvolvimento save ba ema hodi ema Dezenvolve ema nia- an hodi moris familia ne’e hakmatek maka Edukasaun se Edukasaun maka patina signifika buat hotu-hotu patina. Tuir mai mak ita tenki iha Saúde. tanba Saúde Iha ne’ebá Xefe Suku sesante ho nia Estrutura kosege rehabilita ona ami nia postu siska ba mota sorin maibe ladun kobre Aldeia hitu ne tamba Aldeia tolu iha sorin no haat iha sorin ladun fo efetivo makas liu ba komunidade ne’ebé ita tenki hadia mós ida ne’e iha mandatu mai ita pronto kopera ho parte hotu-hotu tutela Ministériu relevanta sira hodi tau matan mós ba ida ne’e tamba husi povo maka ba sira no husi sira mak mai fali povo” Fundamenta Lucas.
Kandidatu Ba Xefe Suku Manetu ho númeru Sorteu 5 ne’e haklaken liu tan katak ba futuru eleitu no lidera Suku Manetu maka pronto atu servisu hamutuk ho Komunidade sira hodi hare no ba prosesu Dezemvolvementu ne’ebé lao iha Suku Seluk nune’e bele impleta mós iha Suku ne’ebé nia Lidera ba.
“Hau nia vizaun mak ba futuro hau nia fuan tenki hela metin iha suku Manetu, maibe hau nia matan tenki kompara ba iha parte suku seluk núne’e hau hare iha suku seluk nia Dezemvolvementu tenki dada mai iha ne’e” Tenik Kandidatu Xefe Suku Manetu Postu Administrativu Maubisse Munisípiu Ainaro.
Tamba ne’e atu implemmenta planu Vizaun no Misaun hirak ne’e Licas Mendonça kuntinua husu Votus husi Komunidade Suku Manetu iha Loron 28 Fulan Otubru Tinan ne’e.
“Prontu hau nia mensajen ba ina aman sira hau nia joven mane no joven feto sira hau nia kolega estudante sira keta haluha 28 de Outubro loron determinante ba ita hotu hau fiar katak ho ita bót sira nia vontade ho ita bót oferese ita bót sira nia direito tomak ba hau keta haluha haré Númeru sorteu 5 hau Lucas Mendonça núdar Xefe Suku eleito ba iha periodo 2023-2030 hau senti ida nee maka hau ható hela ba inan ama husi suku Manetu ho familia bót Manetu, katak husi hali bót Rus-Lau maka hamahan hela ita iha hali nia okos, tamba tuir hau ita suli iha be sanak ida-idak maibe ita ba deit iha bee matan ida”. Hakotu Lucas Mendonça Kandidatu Xefe Suku Mentu Postu Administrativu Maubisse Munisípiu Ainaro.
Entertantu Kandidatu ne’ebé konkore ba Elisaun Suku husi Suku Manetu Nian hamutuk ema nain 6, no Suku Manetu Kompostu husi Aldeia 7.
Jornalista Moises Magno
Editór Joaquim Coutinho
