Racom Maubisse (06/07/2023) Ekipa ne,ebé lidera husi Aministrador Munisípio Ainaro, komposto husi Diresaun Dezastre Naturais, CVTL, Mersycorps, Plan Internasional, CARE, APC oferese apoia Emerjenjia ba komunidade afetado dezastre naturais iha Suku Manutaci Posto administrativo Ainaro Villa, no Suku Nunumoge Postu Administrativu Hato-Builiku Municipio Ainaro.
Hafoin oferese apoiu hirak ne’e ba Komunidade afeitadu, ba Jornalista Radiu Komunidade Maubisse Mau-Loko Administrador Munisípiu Ainaro Leovigildo Amaral Pereira hateten;
“Ohin ita halo ona distribuisaun matreal emerjenjia ba ita nia komunidade ne’ebé afeita iha parte Suku Manutaci no mós iha parte Suku Nunumoge Postu Administrativu Hato-Builiku”. Dehan Leovigíldo ba Jornalista RKMM 06/07/2023.
Autoridade Másimu Munisípiu Ainaro ne’e kuntinua husu ba iha Autoridade Komunitaria sira atu releta lalais dadaus vitima afeitadu dezastre Naturais nian núne’e bele hetan lalais apoiu emerjenjia hanesan ne’e núne’e bele augenta moris ba loron ida rua nian.
“Tamba ne’e maka ita presija dadus ne’e tama lalais para núne’e ita bele atende ita nia Komunidade sira ne’ebé susar, moris ho tristi, núne’e ita bele hatene sira nia nesasidades sira”. Husu Administrador Munisípiu Ainaro
Alem de ida ida tuir dadus provizoriu ne’ebé maka oras ne’e dadaun tama maka hanesan iha Suku Manutaci Postu Ainaro Villa hamutuk familia 30 resin no husi Postu Administrativu Hato-Builiku dadus provizoriu iha uma kain 12, no husi area lubuk ida maka dadus sei dauk tama.
“Iha Manutaci Postu Administrativu Ainaro, purvolta de 30 ital familia maka hetan estragus, husi Postu Hato-Builiku dadus provizoriu foin maka 12, husi Casa nian foin maka tama hamutuk 37 familia maka hetan afeitadu ba iha dezastre ida ne’e. Maibe husi parte seluk hanesan Maubisse, Hato-Udo seidauk iha dadus ne’ebe kompletu. Tamba ne’e hau hakarak fó hanoin ba Administrador Postu sira atu partilla informasaun ne’e ba iha suku sira atu núne’e bele foti dadus ne’ebé real tebes atu núne’e bele hetan apoiu husi Governu Lokal núne’e mós bele hetan apoiu husi ita nia Governu Sentral liu husi servisu hamutuk ho ita nia parseru Dezemvolvementu sira.” Hateten Autoridade Másimu Munisípiu Ainaro ne’e.
Jornalista Moises Magno
