Racom Maubisse, 15/05/2023, Ba Radio Komunidade Maubisse Mauloko   Ko’ordenador Partido KHUNTO PA Maubisse Martinho Mendonca hateten katak iha eleisaun 21 de Maiu 2023, mak Povu kontinua fo fiar sei hadia dalan sira ne’ebe mak liga municipio, postu, suku no aldeia sira iha Municipiu Ainaro.

Tamba ne’e lider maksimu Partido KHUNTO Posto maubisse ne’e kompromete katak politika KHUNTO nian klaru tamba iha misaun no vijaun ne’ebe klaru oinsa atu dezemvolve nasaun laos iha deit capital maibe atu dezemvolve nasaun tenke hahu no kontinua mai husi baze basa komunidade barak liu mak iha baze.

“Objetivu Jeral Partido KHUNTO mak hanesan tuir mai ne’e :

1. Realiza Interese Nascional Timor Leste Nian hanesan temi ka mensiona iha Konstituisaun RDTL nian.
2. Habelar demókrasia banati-ba “Fé, Esperensa No Karidade” no mos respeita soberania povu nian iha nasaun RDTL.
3. Objetivu espesífiku Partidu KHUNTO nian mak luta ba interese nasional no membrus sira nian iha moris nu’udar sosiedade no nasaun hanesan tuir mai ne’e:
4. Defende, haburas, habelar no haklaken valores demókrasia.
5. Protejé no garante povo nia moris di’ak
6. Kria kondisaun diak ne’ebé iha partisipasaun husi povo nudar sidadaun nian iha prosesu dezenvolvimentu Nasional Timor-Leste
7. Hakbi’it no haburas direitus emar nian, rekonsiliasaun no paktu Unidade Nasional
8. Dezenvolve kapasidade povo Timor Leste ne’ebé iha direitu no dever hanesan iha guvernu, estadu no lei nia oin, laharé ba suku, Rasa, Religiaun Grupu no Généru.
9. Dezenvolve kapasidade povu Timor-Leste ne’ebé livre, matenek. Seguru, no dame. Moris di’ak no Justisa
10. Habelar democrasia iha moris nu’udar sociadade no nasaun.
11. Dezemvolve no habelar kultura hodi hametin Unidade nu’udar fundu bázika nasaun  Timor-Leste Nian,
12. Dezemvolve no haburas invairomento no riku soin – rai nian- ba gerasaun iha tempu futuru.
13. Reliza sistema ekonomia povu ne’ebé di’ak atu garante povu nia moris.
14. Garante protesaun ba moris emar nian nu’udar individu no mos nu‘udar familia.
15. Hari kondisaun real ba povu ne’ebé livre iha aspetu económia, politika. Administrasaun social no kultural.
16. Kria kondisaun di’ak ne’ebé iha partisipasaun husi povu nu’udar sidadaun nian iha processu dezemvolvimentu nasional Timor-Leste.
17. Haburas história Luta ba libertasaun Nasional povu no nasaun Timor-Leste valores kulturais no históriku husi aspetu oi-oin

Ko’ordenador Partido KHUNTO Posto maubisse ne’e akresenta liu tan katak Visaun Partido KHUNTO nian mak;

“Hari’ii sociadade ida ne‘ebé livre, justu no mo’os, akontável democrático iha fé, esperança no karidade ba prience independencia no partisipasaun ativu iha dezemvolvimentu Nasional  no Visaun  maka, Valoriza valores sociais tradiscionais tuir origem moris ema timor nian, Prience ukun rasik a’an dezemvolvimentu sustentavél no partisipativu, Hari’i’i sociadade Timor-Leste ida ne’ebé sai fiar nain ne’ebé di’ak no sidadaun ne’ebé onestu, kesi metin iha heransa ( Riku soin ) história, kultura Apiritual, religiaun no identidade kultural ne’ebé ema lubun bo’ot tuir mak tradisaun fiar nain, Hari sociadade nebe’e interpendente, fiar metin iha justisa social nu’udar instrumentu ne’ebé profunda hodi valoriza kapacidade horizontal no kapacidade vertical, Hamutuk sociadade hari’i paz no estabilidade, unidade no rekonciliasaun mutual, hodi alkansa vida humano, nasionalidade, independente, unidu justica soberania, prosperu no defende ispiritu humanizmu, nasionalizmu no internacionalizmu, invairomentalizmu tuba no fiar metin iha ordem global mundial pacífica, democracia no prosperu.

Husu konaba Programa Partido KHUNTO nian ne’ebe halao iha  VIII Governu Konstitusional mak saide, Martinho Mendonca haktuir katak;

Harii uma kbi’it laek, Hasa’e osan ba terceira idade sira husi $ 30.00 ba $ 50.00 dolares, Programa gerasaun foun ( inan ho bebe oan sira ), osan $.200 ba kada uma kain iha fim do ano, Programa Sexta bázika, Fo ajudos rekoperasaun ekonomia ba negosiantes ki’ik sira iha tempo Covid-19, Hasae osan lideransa komunitáriu sira hanesan Chefe Suco $ 250.00 Chefe Aldeia $ 150.00 Delegado/ Delegada ba $ 7.00 ba $ 40.00 dolares.

Tamba ne’e Ko’ordenador ne’e hameno katak;

“Karik Povu fo fiar ba Partido  KHUNTO iha dia 21 de Maio hodi  Forma Governu da IX (sia) Mak Partido KHUNTO sei tau Nafatin prioridade ba  programa hirak ne’ebé mak governo  anterior implemeta ona no sei tau nafatin preoridade ba seitor importante sira  mak hanesan, Seitor esdukasaun katak sei hadia kualidade do ensinu, fo formasaun ba professores sira, liu-liu professores iha ensinu Pre primara, primaria no ensinu  báziku Sira. Sei hadia diak liu tan infrastrutura bazika Hari ka aumenta sala de aula ba alunos sira,  kontinua hadia fatin bibleoteka Sira, sei hasae salariu professores sira nian. Sei reforsa nafatin ministeriu edukasaun hodi hadia estatutu professores kontratadu sira ba permanente no sei tau importansia ba buat hotu ne’be iterligadu ho parte edukasaun ninia”.

Seitor Saude, Sei Harii ka aumenta tan sentru Saude sira to iha aldeia sira ne’ebe Mak sei dauk iha sentru saude. Sei aumenta tan pesoal saude sira iha sentru saude sira. Nune’e bele fo atendimentu lalais ba pasiente sira ne’ebe persiza tulun. Sei hasa’e tan kualidade de atendimentu publiku ba Ita pasiente sira (Liu husi haruka Ita Nia Ema Sira ba estuda iha area sira ne’ebe mak ita seidauk iha. Nune’ bele fo atendimentu ne’ebe diak no adekuadu ba pasiente sira iha Timor laran tombak. Sei tau orsamentu ba sosa ekipamentus medikus ne’ebe ita sei dauk iha no sei tau mos atensaun ba buat hotu ne’ebe mak iha ligasaun ho parte saude nian”.

Seitor infrastrutura, Sei hadia dalan sira ne’ebe mak liga husi municipio ida ba munisipiu seluk, postu ida ba postu seluk, suku Ida ba suku seluk no aldeia Ida ba aldeia seluk. Nune’e povu kiik sira bele fasil Liu hodi bele asesu ba edukasaun, saúde no bele fasilita povu kiik sira nia movimentu iha rai doben Timor Leste no liu-liu iha postu Administrativo Maubisse Municipio Ainaro. Sei tau mos prioridade ba iha seitor sira mak hanesan; agricultura, Turizmu (hanesan turizmu religioza no cultural) Maubisse iha pontensia atu bele hetan lukru ka rendimentu liu husi seitor hirak ne’ebe mak hau temi”.

Tamba ne’e Koordenador ne’e husu ba compatriotas, militantes, simpatizantes no apoiantes sira hotu husi postu to aldeia katak, iha dia 21 de Maio, keta haluhan ida-idak hakat ba iha sentru votasaun nue’e bele ejerse direitu tuir konsiensia ida idak nian. Tamba votu ida bele determina nasaun no ita nia futuru.

Jornalista         : Natalino Mendonca

Editor              : Joaquim Coutinho