Racom Maubisse (03/05/2023) Governu Disidi Komemora Loron Restaurasaun Indepedensia Loron 20 Fulan Maiu  Ba Tinan Ne’e Sei La Hanesan Ho Tinan Hirak Liu Ona, tamba Timor leste infrenta festa Demokrásia ne’ebe idak-idak prepara-an hodi ba Vota. Tamba ne’e sei halao deit maka Seremonia hasa’e Bandeira Nasional RDTL Iha Nasional no iha Munisípiu Sira.

Informasaun ne’e ható husi Vise Ministru Administrasaun Estatal Lino de Jesus Torezão Kuarta ne’e (03/05/2023) iha Seremonia tomada de posse ba Sekretária Adminiatrasaun Munisípiu Ainaro.

Governante hateten;

“Seremonia 20 de Maio, seremonia ida ke seremonia Nasional ida ne’ebé maka tinan-tinan ita selebra iha 20 de Maio. Ne’ebé toma responsabilidade tomak ba seremonia ida ne’e Ministériu Administrasaun Estatal (MAE), maibe seremonia ida agora ita atu halao dadauk ne’e sei la hanesan ho seremonia ne’ebé maka dahuluk no bai-bain ita halao tia ona tamba ita infrenta hela atividade bót ida demokrásia iha ita nia rai laran atu ema hotu ba iha Urna atu bele ezerse sira nia direitu.” Dehan Governante ne’e 03/05/2023.

Governante ne’e akresenta katak tamba Prezidente dekreta ona loron elisaun Parlamentár monu iha loron 21 fulan Maiu, tamba ne’e  iha loron 20  tenki selebra loron Restaurasaun Independensia ho nia seremonia sei la realija hanesan tinan kotul liu ba, tamba fo tempu ba ema idak-idak prepara-an ba tuir votasaun iha fatin ne’ebé nia resensia ba.

“Ita konsistensia Prezidente dekreta tia ona elisaun Parlamentár hahú iha dia 21 de Mao, entaun 21 de Maio ne’e ita hahú, mais 20 de Maio ne’e ita tenki halo seremonia ida tan, agora seremonia ne’ebé maka atu halo ne’e simples deit korpu de isaraun Bandeira ita presija ema nain 3 ida husi Militár ka husi Polisia atu lori Bandeira no hasa’e Bandeira tó ona. E Munisípiu ida-idak halo no Nasional mós sei halo hanesan ne’e. Sei bele marka prezensa husi Direktores Nasionais, Direktores Gerais sira, no mós ba Funsionariu Públiku sira maka sei bele partisipa hotu tia ida ne’e ema hotu bele fila fali ba iha fatin ne’ebé maka atu fó nia direitu ba.” Tenik Vise Ministru Administrasaun Estatal Lino de Jesus Torezão ba Jornalista RKMM. 

Jornalista                     Moises Magno

Editór                          Joaquim Coutinho