Racom Maubisse Mauloko, 23/02/2023, EDTL.EP Múnisipiu Ainaro sidauk hetan karta husi emprezariu UKA 2 Unipessoal Lda no Edtl,EP Nasional hodi halo teste ba liña eletrisidade iha Suco Manelobas Maubisse.

Relasiona ho Movimnetu Tane RDTL ou Mota-RDTL ne’ebe halao konferensia imprensa iha resinto Yayasan Hak Dili foin lalais ne’e konaba kostrusaun liña eletrisidade Suku Manelobas ne’ebe seidauk finaliza obra, maibe emprezariu deklara finaliza ona ho pursentu 100%.

Hatan ba konferensia imprensa ne’e Kordenador EDTL.EP Munisipio Ainaro Octavio Mendonça hateten;

“Konstrusaun liña eletrisidade ba suku manelobas seidauk iha karta ruma hosi emprezariu no edtl.ep nasional hodi deklara sen pursentu ba kostrusaun refere”.

Kordenador EDTL.EP Munisipio Ainaro nee, hatutan liu tan katak;

“Tuir observasaun Quarta Feira horsehik nota katak liña eletrisidade liga ba Suku Manelobas Maubisse ne’ebe kostrui husi emprezariu sei dauk tuir kriteriu EDTL nian nebe sei fo impaktu iha futuru bainhira mosu klima udan no anin bot”.

Alende ne’e Kordenador EDTL.EP múnisipiu husu ba emprezariu UKA 2 Unipesoal Lda, bainhira halao ona kostrusaun liña eletrisidade ba suku Manelobas atinji ona 100%, tenke hato karta mai iha EDTL.EP Múnisipiu Ainaro hodi halao tes antes halakan liña eltrisidade ba komunidade.

Entretantu, relasiona ho preokupasaun ne’e jornalista RKMM sei dauk halao konfirmasaun ho emprezariu tanba la iha fatin.

Reportajem Racom Maubisse