Racom Maubisse, 14/ Relasiona ho Peregrinos nain rua nia Lakon iha Aredores Foho Ramelau iha dia 8/2/2023 no konsege peregrino ida hetan ona iha dia 14/2/2023, maske Ekipa Konjunta hasoru dezafiu ho kondisaun klima ne’ebe la suporta maibe sei la lakon vontade, esforsu no pasiensia hodi nafatin kontinua buka tuir peregrino ne’ebe seidauk hetan. Nune’e Ohin dia 16/2/2023, Ekipa Konjunta konsege hetan tan ona peregrino ida seluk maibe ho kondisaun i’is laiha ona (Mate). Oras ne’e dadaun peregrino nia Isin Mate, lori ona husi Foho Ramelau tun mai iha Hato-Builico Villa no sei kontinua lori ba Dili hafoin entrega ba familia matebian.
Agradese ba kooperasaun serbisu hamutuk entre entidades hotu ne’ebe envolve iha EKIPA KONJUNTA buka tuir Peregrinos nain rua nia paradeiru isin lakon, ne’ebe kompostu husi;
Autoriedade Seguransa PNTL Ainaro no Aileu, F-FDTL, Bombeiros, Segurança Civil, Pesoal Saúde, Autoriedade Suku, Autoriedade Igreja, Komunidade Hato-Builico, Lia-Nain Uma-Lisan Hato-Builico, Grupu Joventude Voluntariu, Familia Matebian, Belun no ema hotu ne’ebe envolve iha prosesu buka tuir peregrinos sira nia lakon iha Foho Ramelau.
Fontes : Asosiasaun Ramelau blehetu cablaki
Editor : Racom Maubisse
