Racom Maubisse Koindisaun ne’e relata husi Jestor Warda Turizmu Maubisse Mau-Loko Joaquim de Fátima Coutinho, ba Ministru Turizmu, Komérsiu no Indústria José Lucas do Carmo da Silva, iha seremonia Inaugurasaun fatin turizmu Komunitaria Iha Laletek Foho Rabilau Maubisse, Suku Maubisse Munisípiu Ainaro.
“Sua Exelencia tama rasik mai haré, Kondisaun estrada Komplikadu se kondutor nia Fuan la diak karik diak liu hela iha liur. Komu ho esperansa ho fiar-an ohin loron ita bele mai hamutuk iha fatin ida ne’e. Tamba ne’e dala ida tan hakarak ható obrigadu no agradese ba iha Ministru ho nia ekipa ohin ita bele hamutuk iha ne’e hodi inaugura fatin Turizmu Rabilau. Maske buat balun maka hotu ona, no buat barak maka seidauk ne’ebé husu ba Ministériu atu bele apoiu nafatin ami” Tenik Jestor Warda Turizmu Maubisse Mau-Loko
Tamba ne’e hafoin koa fita Husi Ministru Turizsmu, Komérsiu no Indústria José Lucas do Carmo da Silva liu husi intervista ho Jornalista Radiu Komunidade Maubisse Mau-Loko hateten;
“Foin maka ita hahú premeira faje ne’ebé ekipa Warda iha ne’e, Komunidade sira iha ne’e iha servisu hamutuk ho Monistériu iha kuntinuasaun iha faje segundu sei tuir mai hamosu tan fasilidade balun ne’eb’e ke sira husu”. Ministru dehan liu husi Intervista.
Tamba ne’e Governu nafatin iha komitmentu atu apoiu nafatin Ekipa Wrda Turizmu Komunitariu Maubisse Mau-Loko ho Komunidade Maubisse.
“Governu iha nafatin komitmentu ho ekipa Warda iha ne’e hamutuk ho ekipa traballu Turizmu Komunitaria iha Maubisse, tamba ne’e iha ninia kuntinuidade ne’e sei iha ne’e hotu fase intalasaun ne’e duni fase melloramentu tuir mai Governu liu husi MTKI sei nafatin akompaña Dezemvolvementu sítiu ida ne’e nian”. Tenik Govrnante ne’e.
Sitíu turístiku ne’e dezenvolve tanba servisu hamutuk entre komunidade Maubisse no MTKI liu husi Diresaun Nasionál Turizmu komunitáriu no Kultural hahú iha tinan 2021, fatin turístiku refere dezenvolve ho orsamentu hamutuk US$41,070.00, husi montante nee hodi konstrui Arka Bem vindo, Haris Fatin, tanki bee-mos, instala eletrisidade ho solar painel, eskada ba pra-wedding, uma ba seguransa, no infraestrutura seluk tan.
Jornalista Moises da Silva Magno
Editór Joaquim de Fátima Coutinho
