Racom Maubisse (04/1/2023) Ita Ukun-an ona tinan rua nulu resin tolu maibe kondisaun estrada, be mos, edukasaun no saude, dok husi ami nia hela fatin, ba se los mak ami hakarak hato’o preokupasaun sira ne’e, no ba se los mak ami bele dedika lia menon sira ne’e, basa ami ki’ik no kbi’it laek.
Preokupasaun ne’e relata husi Komunidade Aldeia Raemera Suku Edi, Joao Carlos Mendonca, ba Administrador Postu Maubisse Calaudino Mendinça Wainhira halao Vizita dahuluk ba iha Aldeia Raemera Suku Edi no Aldea Goulolo Suku Aututo Maubisse Munisípiu Ainaro.
iha Fatin hanesan Octo Koli-Mali mos hato’o preokupasaun hanesan ba Administrador Posto Maubisse Claudino Mendonca Katak;
Aldeia Raemera Suco Edi ho Aldeia Koulolo Suco Aituto to’o agora seidauk asesu ba ahi eletricidade, be mos, saude no edukasaun, oinsa mak ami nia oan sira bele asesu ba edukasaun, se edificiu deit laiha, e at liu mak estrada laiha hodi ami bele asesu nune’e lori ami nia oan sira ba escola iha suco nomos lori produtu local ba fan iha merkadu maubisse, tamba ne’e hanesan mós foinsa’e ida husi Aldeia Raemera hakarak relata ba administrador hodi bele tau matan mai ami;
“Kolia koba-ba Eletrisidade ami bele asesu ona, falta buat rua maka sai hela hanesan difikuldade bót mai ami maka hanesan Edukasaun no Saude. Tamba ne’e Ohin Administrador iha ne’e, hanesan reprejenta Komunidade ida ne’e núdar mós joven iha ne’e dala barak ami hulan ona Inan Isin Rua ba Partus iha dalan, ami hasan to ba iha Hospital, kuaje Inan Isin Rua Lubuk ida. Ne’e maka problem bót ne’ebe maka ami Komunidade iha ne’e hasoru. Ami laos laiha Postu Saude ami iha Maibe tau distansia dók iha Suku leten ne’ebá ami komunidade hela hotu iha kraik entaun atu asesu ba Postu Saude Araska, dala barak Joven Lubuk ida ami hasan ba Mate iha dalan ami lori fila fali, balun fali ba tó iha Kamlai Mate ami tenki lori fila fali” Relata Prokupasaun Aldeia Raemera husi Foinsa’e Octo Coli-Mali ba Administrador Postu Maubisse 04/1/2023.
Kona ba Asesu ba Edukasaun Nia Kuntinua relata Liu tan katak;
“Agora kona-ba Edukasaun hau ida ne’ebe agora dadaun kolia iha ne’e husi ne’e ba eskola iha Manelobas, maibe tó agora ami sei infrenta nafatin problema hanesan ne’e ba ami nia alin sira. Agora ba Eskola iha Dimtete maibe mota bót tamba ne’e ema sira idade bót ona tenki sai deit mak barak, laos inan aman abandona oan lae mais distansia Eskola maka dók. Dala barak Profesor husi fatin seluk maka ami maibe mota kuandu tun professor la mai entau eskola abandonadu ida ne’e maka ami nia sofrementu no difikuldade ne’ebe durante ne’e ami hasoru” Dehan Octo Coli-Mali.
Tamba ne’e nia Sujere Husu ba Paete relevante atu toma Konsiderasaun ba iha Prokupasaun hirak ne’ebe maka aprejenta dadaun ne’e.
No Prokupasaun hirak ne’e maka hato dadaun ne’e toma nota kedan husi Administrador Postu Maubisse Claudino Mendonça, katak nia parte sei releta prokupasaun hira ne’e ba Direktur Saude no Direktur Servisu Edukasaun Munisípiu Ainaro Hodi Kuntinu relata ba iha Governu Sentral presija tau iha Prioridade.
“Prokupasaun sira ne’e hau toma nota hela depois hau sei ható ba ema ne’ebé maka iha Kompetensia iha Munisípiu Ainaro hodi ható fila fali ba Nasaional. Ikus liu dala ida tan ita bót sira tenki hatudu nafatin unidade de servisu hamutuk, fiar malu, iha domin paz no hkamatek atu núne’e ita nia Prosesu dezemvolvementu sira ne’ebé tama bele lao ho diak” Hatan Administrador Postu Claudino Mendonça ba Prokupasaun Komunidade Aldeia Raemera Suku Edi Maubisse Munisípiu Ainaro.
Jornalista Moises da Silva Magno
Editór Joaquim de Fátima Coutinho
