Racom Maubisse (04/1/2023) “Uluk iha fatin Aldeia Raemera ami lori kuda maka tula be, no iha Aldeia Raemera ida ne’e iha Uma Lisan 7 maka iha ne’e. Ami iha ne’e Be Matan dók Uluk ami kuru be uja Aubetu ne’e iha tempu Portuges nian. Iha fali Indonesia nia tempu ami lori fali Masa/Jergen , kada loron ami tula masa 8 iha Kuda. Maibe Agora ami agradese ba PARCIC, COCAMAU ba mós ami nia tós nain sira, ami mós agradese ba Patraun ZENSHO ne’ebe fó fiar mai iha tós nain hodi bele realija programa ida ne’e iha Ami nia Aldeia Raemera ida ne’e” Dehan Francisco da Costa Aktual Xefe Aldeia Raemera Suku Edi Postu Administrativu Maubisse Munisípiu Ainaro, Hafoin Inaugura sitema Be Mos ne’ebe maka Konstroi husi Komunidade sira ho Apoiu Fundus husi Agensia Internasional ZENSHO Liu husi PARCIC no Kóperativa COCAMAU iha Maubisse 04/1/2023.
Fatin hanesan Foinsa’e Aldeia Raemera Suku Edi Octo Coli-Mali Kuntinua dehan tan katak;
“Husi PARCIC ho COCAMAU nia apoiu ohin loron bele dada ona be mos ho distasia Kilometru 3 mai tó iha ami nia Aldeia ida ne’e. Asesu ba be mos ida ne’e iha Komunidade Uma Kain 26 maka asesu ba be mos ida ne’ebe maka ohin ita inaugura iha fatin ida ne’e. Tamba ne’e hanesan Joven no Komunidade husi Aldeia ida ne’e fó obrigadu no agradese ba PARCIC no mós Autoridade Lokal ne’ebe ohin partisipa hodi Inaugura be ida ne’e” Tenik Foinsa’e Aldea Raemera Suku Edi Maubisse Octo Coli-Mali.
Biban ida ne’e mós Kórdenadór ba Programa Kafé husi PRCIC Maubisse Nelson José Ba Komunidade Aldeia Raemera Suku Edi hateten;
“Servisu sira ne’ebe maka durante ne’e ita bót sira esforsu hanesan Aisasík ida ema dehan hanesan ne’e “Lian Iha Leten Kraik Bok-an” Iha leten lian maibe iha kraik tenki bók-an nafatin atu núne’e bele hatudu rejultadu ruma ne’ebe iha. Hanesan hau kolia hela ba ita bót sira labele lian hanesan Sigara maibe servisu nonok hanesan Nehek hamutuk bele lao ba oin, se la hamutuk mak ne’e buat ida sei la mosu. Tamba ne’e be mos importante ba ita bót sira, bele produs modo, Viveiru Kafé, bele hakiak mós Ikan, no ita bót sira hanesan tós nain bele produs buat barak ho be ida ne’e, ne’ebe kuidadu ba bele uja to tempu naruk” Hameno Kórdenador ba Programa Kafé Husi PARCIC ba Komunidade Aldeia Raemera Suku Edi Postu Maubisse Munisípiu Ainaro.
Entretantu Kanalizasaun Be Mos refere Apoiu fundu husi Agensia Internasional ZENSHO ho Motante Osan $ 10.000 (Rihun Sanolu), Be ida asesu direita ba Komunidade Uma Kain 26 Aldeia Raemera Suku Edi Nian.
Jornalista Moises da Silva Magno
Editór Joaquim de Fátima Coutinho
