Racom Maubisse (04/1/2023) Tersa Feira ne’e Administrador Postu Maubisse Hafoin halao Inaugurasaun ba Estrada iha Aldeia Goulolo Suku Aituto, Kuntinua kedan ba halao mós vizita iha Aldeia Raemera Suku Edi hodi Inaugura tan Sistema be mos ida iha area Raemera Suku Edi Postu Administrativu Maubisse Munisípiu Ainaro.
Sistema be mos refere servisu deireita husi Komunidade ho apoiu tékniku husi ekipa PARCIC, Apoiu fundus husi Agensia Internasional ZENSHO ho total orsamentu ho montante $ 10.000 ( Rihun Sanolu)
Hafoin de koa Fita husi Administrador Postu Maubisse Claudino Mendonça Liu husi Intervista hateten;
“Ohin hau ho Komunidade, espesialmente Komunidade Suku Edi Aldeia Raemera ami orgullu tebes tamba dia 20 de Dezembru 2022, ofisialmete Inaugura be mos iha Aldeia Raemera ne’ebé durante tinan naruk hahú husi tempu Portuges mai tó Ukun-An halo tinan 20 tia Aldeia Raemera foin asesu ba be mos, ida kosolok bót ida ba Postu Administrativu Maubisse espesial ba Komunidade Suku Edi Postu Administrativu Maubisse Munisípiu Ainaro” Hateten Claudino ba Jornalista Radiu Komunidade Maubisse Mau-Loko iha Aldeia Raemera Suku Edi Maubisse, 04/1/2023.
Autoridade Másimu Postu Maubisse ne’e Kuntinua hatutan liu tan katak;
“Ita hetan Parseiru ida ke permanente PARCIC husi Nasaun Jepaun ne’ebé nia servisu premanente hamutuk ho Komunidade tós nain sira iha Maubisse durante tinan 20 ona iha Postu Administrativu Maubisse. Laos deit ba tós nain sira kona-ba prosesamentu Kafé ho kualidade diak maibe apoiu Komunidade sira iha seitór saida deit, hanesan Be Mos, Estrada, iha buat oi-oin deit maka fó apoiu ba Komunidade, tamba ne’e hanesan Administrador Postu Maubisse ksolok bót ida no agradese wain ba Agensia PARCIC” Tenik Administrador Postu Maubisse iha Aldeia Raemera Suku Edi Maubisse.
Fatin hanesan Kórdenadór ba Programa Kafé husi PRCIC Maubisse Nelson José hateten;
“Apoiu ida ne’e tamba nesasidade Komunidade sira nian ne’ebé difikulta sira durante tinan naruk, deste tempu Portuges mai to agora sira susar tebes ba be mos, tantu ida ne’e sira halo prosesamentu Kafé mós difikulta sira atu asesu be mos hodi produs Kafé ne’ebé ho kualidade diak. Tan ida ne’e inisiativa husi tós nain sira rasik hetan apoiu másimu husi PARCIC atu halo kórdenasaun husi Agensia Internasional sira liu-liu programa ida ne’e hetan apoiu husi ita nia Agensia ida ne’ebé fó Premeiu Sosial ida ba iha Cóperativa atu núne’e bele utulija ba iha aktividade sosial nian liu-liu hare ba be mos” Dehan Kórdenadór ba Programa Kafé husi PRCIC Maubisse Nelson José ba Jornalista RKMM.
Jornalista Moises da Silva Magno
Editór Joaquim de Fátima Coutinho
