Racom Maubisse 31/10/2022 Segunda feira ne’e Autoridade Komunitaria Suku Maubisse Villa Hamutuk ho Komunidade sira halao lansamentu fatuk dahuluk ba Konstrusaun Uma Kbít Laek (UKL) ba Inan Faluk Anarela Cardosu iha Aldeia Goulala Suku Maubisse Villa.
Ba Radiu Komunidade Maubisse Mau-Loko Inan Faluk Anarela espresa nia setimentu kontenti hodi dehan;
“Hau Senti Kontenti no Agradese ba Governu, Xefe Suku maske hau laiha kbít atu halo uma hanesan ne’e maibe husi Estadu ida ne’e nia tulun bele halo hau nian uma” Dehan Inan Faluk Anarela ba Jornalista Radiu Komunidade Maubisse Mau-Loko iha Nia Rezidensia Aldeia Goulala Suku Maubisse Villa 31/10/2022.
Iha fatin hanesan Xefe Suku Maubisse Villa Wilson Nivio Mendonça Hateten, Iha Aldeia Goulala iha Familia Kbít laek hamutuk nain 3, inklui Inan Faluk Anarela Cardosu maka merese duni atu hatan uma UKL Husi Governu liu husi Programa Nasional Dezemvolvementu Suku PNDS.
“Iha Aldeia Goulala iha Komunidade Uma Kain 3 ne’ebé maka sia hanesan Benefisiuario ba Uma Kbít Laek (UKL), Iha Aldeia Goulala ne’e, ne’ebe maka identifikadu ona ba Komunidade ne’ebé maka merese duni atu hatan katak sira priense mata dalan ida ne’eb’e husi Nasional fó, entaun hanesan ohin ita hare iha ne’e katak ita nia Inan Faluk ida maka hetan ho tan rua seluk” Dehan Wilson Xefe Suku Maubisse Villa ne’e 31/10/2022.
Tamba Ba Badaen no Traballadores, Inklui Kompaña Fornesedór Matreal ba Konstrusaun Uma Kbít Laek Inan Faluk Anarel Cardoso Autoridade Komunitaria ne’e husu;
“Hau nia lia menon ba sira ne’ebé servisu maka ne’e, ita hatene katak badaen rasik mós hetan kontratu husi Governu, ba Kompaña fornesedor sira ne’ebé maka fornese deit matreal ba konstrusaun ida ne’e, katak servisu ida ne’e sei tau matan husi ekipa Suku nian ne’ebe ami bolu naran KPA , no mós husi Tékniku sira husi PNDS í Autoridade rasik maka sei halo kontrolu másimu ba Konstrusaun ba UKL ne’e durante aktividade sira ne’e lao” Hatutan Xefe Suku Wilson iha Aldeia Goulala 31/10/2022.
Entertantu Suku Maubisse Villa Kompostu husi Aldeia 12 no oras ne’e Implementasaun Uma UKL foin maka lao Iha Aldeia 4.
Jornalista Moises da Silva Magno
Editór Joaquim de Fátima Coutinho
