Rakom Maubisse (28/10/2022) Iha Seremonia Enseramentu Festival Kafé ne’ebé realija iha Postu Administrativu Maubisse Municipiu Ainaro, Embaizadór Nova Zelandia iha Timor Leste hateten, Exportasaun Kafé Timor Atinji 80%, Maibe Kondisaun Estrada sai obstaklu ba Komunidade sira atu halo transaportasaun produtu Kafé inklui produtu importante sira seluk ho lais ba Merkadu.
“Ita mós hasoru obstaklu balun hanesan asesu dalan ba Kafé Kultor Sira seidauk diak hotu tamba ne’e bele afeita mós ba trasportasaun no redus lukru husi Agrikultór sira. Oinsa maka Governu, no Seitór privadu sira atu servisu hamutuk atu mellora merkaduria no identidade Kaf’e Timor Leste liga ba Timor Leste nia úniku balun hanesan Buanila no Turizmu, Tamba ne’e oinsa ita nia servisu hamutuk hodi investe ho matenek hodi hadia kualidade Kafé Timor Leste” Hateten Embaizadór Nova Zelandia ne’e 28/10/2022.
Governu Nova Zelandia nafatin orgullu Apoiu Governu Timor Leste, no servisu hamutuk ida ne’e lao durante tinan 10 ona, hodi fó sira nia tulun ba dezemvolve Industria Kafé iha Timor Leste.
“Nova Zelandia orgullu tebes, iha Tinan 10 nia laran ona no espera sei fó tulun nafatin ba Industria Kafé. Apoiu ne’ebé Governu Nova Zelandia ba seitór ida ne’e liu husi Kóperativa Kafé Timor ne’ebe mós kobre iha mós iha area Maubisse” Hateten Philip Iha Sermonia Festival Kafé iha Postu Administrativu Maubisse Municipiu Ainaro 28/10/2022.
Nova Zelandia nia Apoiu ba Festival Kafe ida ne’e liu husi Servisu hamutuk ne’ebe maka halao ho The Asia Fundation.
Jornalista Moises da Silva Magno
Editór Joaquim de Fátima Coutinho
