Racom Maubisse, 23/09/2022, Hatobuilico hanesan Posto Administrativu ida neebe hamahan an iha Municipiu Ainaro, no Posto Hatobuilico mak posto ida ne’ebe besik liu iha Foho Ramelau nia hun.
Klima posto hatobuilico konhecido hanesan klima ne’ebe malirin tebes, kompanha ho posto no municipiu seluk iha teritoriu Timor laran tomak, maske klima malirin maibe posto hatobuilico nia paisazem natureza atrai ema barak nia matan, e ho tan foho ramelau nia furak kuaze halo ema barak fim de semana sempre vijita hatobuilico no ramelau.
Iha tinan 1997 Sarani Hatobuilico ho Maubisse, hamutuk ho Amu Paroco Maubisse, Padre Norberto do Amaral, actual bispu da diocese Maliana e Presidente Episcopal Timorense, lori Estatua Nossa Senhora de Graca ba hatur iha foho ramelau, ho existensia Nain Feto Ramlau ne’ebe kompleta ona tinan 25 iha dia 07 de Outubro 2022, maka komisaun organizadora hamutuk ho Amu Vigariu Maubisse residensia permanente iha hatobuiico, autoridade sivil no militar no sarani sira hola iniciativa hadia dalan sira sae ba ramelau, hamos lixu sira no kontrui uma laku ida iha ramelau, ho nun’e taka provizoriu dalan ba ramelau hodi hadia dalan no hamos lixu e mos hari uma laku ida iha ramleua nune’e bele komemora 25 anus existensia Nain Feto Ramelau.
Laos ida ne’e deit maibe iha dia 06 de Outubro antes Súa Eminencia D. Virgilio Cardeal d Carmo da Silva Sae ba foho Ramelau hodi komemora 25 anus existensia Nain Feto Ramelau, inaugural mos IGreja Hatobuilico sai Paroquia no posse ba Amu Paroco foun ba Paroquia Nain Feto da Graca Hatobuilico.
Relasiona ho dalan ba Ramelau Taka Provizoriu hodi hadia, Padre Francisco Soares Fernandes Vigariu Maubisse iha Hatobuilico haktuir;
“ Objektivu ami taka provijoriu dalan ba foho Ramelau atu hadia dalan at sira, halo limpeza ba fatin entrda sira hanesan santuariu ramelau, nomos fo biban ba kompanhia Delon hodi hadia uma laku ida ne’ebe hari iha foho Ramelau”.
Iha fatin hanesan Presidente Komissaun Organizadora ba Festa 25 anus Existensia Nain Feto Ramelau no Inaugurasaun Igreja Hatobuilico Sai Paroquia Moises Mota hateten;
“Husu ba Timor Oan tomak liu liu ba Hatobuilico oan sira atu fo liman ba malu hodi festeza ita nia festa 25 anus existensia Nain Feto Ramelau no Inaugurasaun Igreja Hatobuilico sai paroquia”.
Festa 25 anus existensia Nain Feto Ramelau no inaugurasaun Igreja Hatobuilic sai Paroquia sinal diak ba sarani hatobuilico no municipiu Ainaro. Kolaborasaun, ko’ordenasaun no komunikasaun importante iha servisu sira ne’ebe em relasaun ho existensia Nain Feto Ramelau no Hatobuilico sai Paroquia.
Susar ho terus sira kauze atu lakon maibe atu halakon susar no terus sira Hatobuilic oan sira tenke hamutuk nune’e bele kontribui ideias ba prosperiedade igreja Hatobuilico iha future, se lanune maka igreja foun, igreja iha mudansa kuandu ema la iha mudanca mak sei la iha dezemvolvimentu ne’ebe sustentavel iha future ba bem estar igreja hatobuiico.
Jornalista : Joaquim Coutinho
Editor : Joaquim Coutinho
