Racom Maubisse 12/08/2022, Uma rua ne’ebe hetan inaugurasaun Husi Banco Central Timor Leste, Lihusi Vise Governador Banco Central Timor Leste, ligadu ho dezastre naturais ne’ebe akontese iha dia dia 4 de Abril 2021 liu ba ne’ebe mak rejulta uma kain lubuk ida hetan afeta husi dezastre naturais ne’e rasik, maibe uma rua mak grave liu, tamba ne’e Banco Centra Timor Leste Disidi hodi apoia.
Relasiona ho inaugurasaun uma rua iha aldeia hautadu soco Maubisse Villa, ne’ebe konstrui husi Banco Central Timor Leste, ba jornalista radio komunidade vise governador Banco Central Timor Leste, Nuri Alkatiri hateten katak;
“Ami rasik senti medan nee la fasil dook tebtebes depois atu mai deit mos araska ou lafasil ita atu hulan sasan ka buat ruma mai iha nee, maibe ho apoiu tomak itaboot sira nian, tanba obra itaboot sira nian laos ami nian maibe ami tau matan deit tanba nee ita boot sira maka kuidadu atu uza iha tempu naruk no uma rua ne’e gasta orsamentu hamutuk dez mill e tal no orsamentu ne’e laos mai husi governo maibe mai husi funsionariu ne’ebe maka serbisu iha BCTL”
Iha fatin hanesan Xefi do Postu Claudino Mendonca hateten katak;
“Dezastre naturais nebe akontese iha dia 4 de Abril halo Timor laran la hakmatek tanba forsa natureza ne’ebe makas liu hamate ema lubuk ida no inklui uma komunidade nian at ou estragus total, tanba ne’e hau lori komunidade nia naran hatao agaradese ba BCTL nebe finaliza ona uma rua, hodi entrega ba komunidade nune’e bele ajuda no no satan netik udan no anin, maske hasoru dezafios oioin maibe bele harii uma nebe ke naton ba vitima dezastre naturais nebe akontese iha dia 4 de Abril de 2021 iha tinan kotuk”.
Nia parte mos husu ba vitima sira atu garante no kuidadu uma nee atu uza iha tempu naruk,tanba nia prosesu konstrusaun lafasil, liu liu hanesan ita hare katak, la facil asesu ba Estrada no material sira lalin dook tebes maibe ho BCTL no komunidade nia esfosu bele finalize ona no hetan inagurasaun husi Vise Governador BCTL.
Nune’e mos iha fatin hanesan representante benefisiariu ba uma rua ne’ebe hari husi Banco Central Timor Leste, Adelino Mendonça Esperito Santo Hateten katak;
“Senhor Magno lakon uma andar ida prosesu naruk, maibe dezastre naturais nebe akontese iha dia 4 de Abril la sente, maibe hanesan mehi, uma nee lakon leet deit, maibe ohin agaradese ba BCTL bele fo netik apoiu ba senhor Magno ho senhor José atu hamahan-an no hodi tahan netik loro manas no udan tanba ho BCTL nia tulun ho prosesu nebe ke lafasil maibe ikus mai bele konstrui fali uma rua ba familia rua ne’e”.
Adelino Mendnca Espirito Santo argumenta liu tan katak, se governu karik bele halo uma hanesan ne’e bele gasta too 20 mil ou liu tan, maibe ho esforsu BCTL nian uma rua nee gasto deit porvolta dezmil e tal nee lafasil tanba prosesu transporta material ho lalin deit maibe ohin ita la senti bele inaugura ona husi Vise Governadora BCTL.
Journalist Natalino Mendonca
Editor Joaquim Coutinho
