Racom Maubisse (04/07/2022) Pendro Mendonça Inspektur Eskolar Postu Administrativu Maubisse Municipiu Ainaro Zona A ható Informasaun ne’e ba Jornalista Radiu Komunidade Maubisse Segunda feira ne’e.
Hateten Ensiñu Apredizajen iha Maubisse Kuntinua lao hanesan bai-bain maibe tamba Kondisaun Klima Difikulta Tebes estudante sira nia aktividade aprendizajen iha eskola liu-liu ba estudante Premeiru Siklu 100% la partisipa aula.
“Hanesan Inspektur eskola atu hateten katak aktividade aprendizajen iha eskola sira Maubisse ne’e hau hanoin lao soke tamba klima ne’ebe maka iha Postu Administrativu Maubisse la hanesan ho Postu sira seluk. Tamba durante ida ne’e kuaje ona semana tolu atu tama ona fulan ida loro-loron ne’e ami moris ho abu-abu, hader mai hetan maka udan deit ne’ebe dala ruma fó nia impaktu bot ba estudante sira, ba labarik sira ne’ebe maka bot hanesan Sekundariu, tersiru Siklu sira ne’e hau hanoin atividade aprendizajen ne’e lao, maibe ba liu labarik sira ne’ebe maka iha Premeiru Siklu kuandu udan no abu-abu taka metin sira la dun 100% ba iha eskola dala ruma loro-loron ba eskola ne’e maka 40% to iha 50% deit” Hateten Pedro Mendonça ba RKMM 04/07/2022.
Tamba ne’e nia Konsidera ho Kondisaun udan ne’ebe la para iha Postu Administrativo Maubisse Municipiu Ainaro fó tebes nia impaktu ba iha Prosesu Aprendizajen ba Estudante sira iha Maubisse.
Jornalista Moises da Silva Magno
Editór Joaquim de Fátima Coutinho
