Racom Maubisse (15/03/2022) Reprejentante Komunidade Suku Aituto Postu Adminnistrativo Maubisse Municipio Ainaro, aktual Xefe Suku Aituto António Mendonça Paicheco, hateten ida ne’e ba Jornalista Radiu Maubisse Tersa feira ne’e iha Sede Suku Aituto Maubisse Municipio Ainaro.

Autoridade Komunitario ne’e hateten;

“Hanesan lider ita Orgullu tamba ita nia Administrador Sesante halo kóperasaun internal ida ho Mebrus konsellu Suku no Komunidade sira, liu-liu iha Postu Administrativo Maubisse Municipio Ainaro, espesialmente Suku Aituto ne’ebe agora dadauk ita lao hela ne’e. Durante ne’e ami hanoin katak la lao maibe agora dadauk ne’e ita bele ultrapasa ona objetivu ne’ebe maka ita hotu hakarak. Tamba asase ona husi ita nia Governu Sentral fó ona espasu ba Timor Plaza bele mai loke ona, siknifika katak hanesan lider Parabens tamba ita bele resolve ona Dezempregu ne’ebe maka ita hasoru iha terenu” Hateten Reprejentante Komunidade ne’e ba RKMM 15/03/2022.

Tamba ne’e ba Investor ne’ebe maka sei Investe iha Suku Aituto Maubisse, Autoridade Komunitariu ne’e rekomenda;

“Investor ne’eba maka atu loke nia sasan premeiru tenki haré uluk ita nia Komunidade sira ne’ebe hela iha fatin refre. Para bele resolve dezempregu  tamba ne’e maka horseik ne’e Investor hatete katak, imi hotu Unidade,Amizade para ita bele resolve ona dezempregu sira ne’ebe maka durante ne’e imi hakilar, tamba ne’e ita hein aban sira lori tékniku sira mai para survei ona. Fatin ne’e ita nia Komunidade sira Oferese ona” Nia hatutan 15/03/2022.

Entertanto fatin ne’ebe maka oferese dadauk ne’e iha Flecha Suku Aituto Maubisse, entrega ba iha Autoridade Postu no kuntinua ba Investor Timor Plaza ho Seremonia Kulturais iha Tinan ida ho balun liu ba.

Jornalista                     Moises da Silva Magno

Edeitor                                    Joaquim de Fátima Coutinho