Racom Maubisse (09/03/2022) Diresaun Nasional Prevensaun Konflitu Komunitaria DNPKK, hamutuk ho Komandu PNTL Municipio Ainaro realija surumutuk ho Autoridade lokal Postu Administrativo Hato-Builico no Postu Administrativo Maubisse, Kuarta feira ne’e iha Salaun Administrasaun Postu Administrativo Maubisse.

Objetivo husi Surumuruk ida maka atu alerta ba iha Komunidade sira iha Municipio Ainaro Prevene Konflitu hodi Kontribui ba Paz, Hakmatek no Armonia iha Komunidade, liu-liu asegura feto no labarik sira durante  pereiodu Kampaña Elisaun Presidensial, ho tema importante hateten”Prevene duke Kura”

Ba Jornalista Radio Komunidade Maubisse liu husi intervista Direktur Nasional Prevensaun Komflitus Komunitario Antonio Viegas hateten;

“Objetivu husi aktividade programa ida ne’e hakarak atu alerta sedu avisu ba iha Suku liu-liu iha Municipio Ainaro, haré ba iha ida ne’ebe maka risku konflitus hodi atu asegura liu-liu ba ita nia feton no labarik, no isin rua sira, vulneravel sira, para fó biban ba sira para halao sira nia aktividade. Tamba ne’e maka atu apela tama sai Suku ható ba iha ita nia inan aman sira atu ható ba sira nia oan labele halo violensia hasoru ita nia Partidu Politik sira ne’e imprtante, tamaba hasoru Partidu Politik sira maka sei hamosu violensia sei rejulta ema nia uma, sei rejulta sira rasik mós sei hatena kanek buat sira ne’e hotu” Dehan Direktur Nasional ne’e ba Jornalista RKMM 09/03/2022.

Tamba ne’e liu husi Programa id ne’e hodi fó hanoin ba Komunidade sira atu prevene-an husi konflitus.

Fatin hanesan Administradir Municipio Ainaro ne’ebe reprejenta husi Sekretariu Muunicipio José de Araujo alerta liu tan katak;

“Hanesan Ainaro Oan antes ne’e hau halo akompañamentu diak antes hau mai hanesan Sekretariu Municipio, Ainaro Partidu rua maka halo kampaña iha fatin ida deit mós jaran bók malu ida ne’e maka Ainaro nia kelebihan. Entaun kelebihan ita nian ne’e ita tenki asegura ita kaer metin ita nia vantajen sira ne’e oinsa maka ita bele lao diak liu tan iha futuru” Dehan José de Araujo iha Surumutuk ne’e 09/03/2022.

Partisipa iha Surumutuk ne’e Administrador Postu Hato-Builico, Funsionariu Administrasaun Postu Maubisse, hamutuk ho mebrus Polisia Municipio Ainaro.

Aleinde aktividade ida ne’e halao tamba Diresaun Nasional Prevensaun Konflitus Komunitaria (DNPKK) kópera ho Komandu PNTL Municipio Ainaro no hetan Apoiu Fundus Plan Internasional Timor Leste.

Jornalista                     Moises da Silva Magno

Editor                          Joaquim de Fátima Coutinho