Ba Jornalista radio Komunidade Maubisse Maubisse Mauloko Segunda loron 10 fulan Maio ne’e iha Sarabere Aldeia Rita Suku Maulau, Konsellu Paroquia Nosa Senhora da Graca Gleno Ermera, Estanislau da Cruz Ximenes hateten ida ne’e hanesan Asaun Karitativa hodi hakman todan ne’ebe maka Familia Francisco Infrenta Durante ne’e.

“ Hanesan Konseillo Paroquia Nosasenhora da Grasa Gleno Ermera  ohin ami mai to iha fatin ida ne’e hakarak hato ami nia solidaridade ami nia sentimentu ba maluk sira ne’ebe mak presiza tulun husi ema seluk. Tamba ne’e ohin   hau ho maluk sira lori sarani sira husi Paroquia Glenu nian  hakarak mai hato hela ami nia asaun karetativa balu ba familia sira ne’ebe mak presiza hela ami nia tulun atu nune sira mos bele hakaman todan ne’ebe mak sira senti. Ajudo sira ne’e maka fos saku sanolu supermi kaixa lima  ho seluktan”.

Konsellu Paroquial ne’e mos Agradese ba Servisu Jornalista Radio Komunidade Maubisse Mauloko ne’ebe maka Partilha ona Informasaun kona ba Soferementu Familia Francisco Mendonca infrenta durante ne’e.

Da Cruz kuntinua hateten asaun solidaridade ne’e importante tebes, no aihan nesasidade bajuku ne’ebe maka Oferese hosi Ekipa Konsellu Paroquial  ba familia Kbi’it laek Francisco Mendonca Kompostu hosi Fos sakas sanolu Sepermi kaisa lima inklui nesacidades bajiku Sira Seluk.

Jornalista         Natalino Mendonça

Editor              Moisese da Silva Magno