Liga Ho Ida Ne’e Administrador Postu Administrativo Maubisse Ba Jornalista Radio Komunidade Maubisse Mauloko Hateten, Apoia Ida Ne’e Halao Tamba dezastre naturais ne’ebe maka akontese iha loron haa’t fulan ida ne’e laos iha Dili deit maibe kobre mos Timor laran tomak inklui Postu Administrativo Maubisse, e mos konsidera Suku Fatubesi mo’os afetado ba dezastre refere, hodi estraga Komunidade sira nia uma no hela fatin.

“Ohin ita mai fahe nesasidade baziku hanesan agora dadaun ita hare ne’e, tamba inudasaun ne’ebe akontese iha dia Quatru ne’e, laos iha Dili deit maibe Kuaje kobre Timor laran tomak inklui Postu Administrativo de Maubisse. Suku Fatubesi mos sofre ba iha Dezastre ida ne’e, e hetan vitimas barak maske ema la mate maibe sira nia uma ou hela fatin mos Kuaje a’at hotu, tamba ne’e e nome Administrador Postu hato’o agradese ba Asia Fundation ba Apoiu ida ne’e hodi hein plano governo nian atu halo rekoperasaun ba vitimas hirak ne’e”.

Administrador kuntinua relata apoiu hosi  Asia Fundation mai iha postu Administrativo Maubisse total Kulisaun atus ida,sumasu atus rua, manta  atus rua no aihan baziku hanesan supermi, deho , no selu-seluk tan inklui osan.Ho esperansa katak apoiu hirak ne’e sei la para iha ne’e deit, maibe importante matein nafatin kooperasaun no linha de kordenasaun.

Iha fatin hanesan mo’os xefe do Suku  Fatubesi Bonifacio Pereira Mendonca nia Parte orgulho no agradese ba Asia Fundation Tamba apoiu komunidade sira ne’ebe maka afetado ba dezastre Naturais iha Suku Fatubesi.Tamba ne’e xefe do Suku ne’e kuntinua hateten, hanesan Autoridade iha suku nafatin rekomenda  ba iha Estado atu tau matan mo’os ba komunidade sira ne’ebe maka hela iha area remotas,tamba dezastre laos deit akontese iha Kapital.

“ Hau nu’udar autoridade lokal iha fatin ida ne’e hakarak rekomenda nafatin ba estado, e ami mos komprende ho situasaun ida agora, tamba ne’e ami husu se bele karik tau matan mos ami nia Povu ne’ebe maka hela iha baje. Tamba dezastre no inudasaun  ne’ebe maka akontese laos iha Sidade Dili deit maibe Komunidade sira iha baje mos infrenta Situasaun ida ne’e”.

 Distribuisaun ba sasan hirak ne’e halao direita hosi Administrador Postu Administrativo Maubisse iha sede Suku Fatubeesi segunda loron 26 fulan Abril foin lalais ne’e.

Jornalista         : Natalino Mendonca Editor              : Moisese da Silva Magno