Preokupasaun ne’e hato’o husi Konsellu Juventude Postu Administrativo Hatobuilico Elias Pereira Xavier Cardosu. Tuir Xavier hateten Suku Nunumoge kompostu hosi Aldeia walu aldeia ha’at iha iha Parte leten asesu ona ba ba roman eletrisidade maibe aldeia ha’at seluk iha koredor Estrada Nasional maka seidauk asesu ba roman eletrisidade.
“Iha Suku Nunumoge ne’e iha aldeia ha’at iha Parte karaik maka la asesu total inklui mós Leotelu 2. Ne’ebe maka diresaun Protokolu Nasionál hanesan husi Dili mai Ainaro agora husi Suku Mulo nian lakan husi Suku Manutaci nian lakan maibe ida iha klaran ne’e la lakan. Agora ne’e Perguntas Aldeia ha’at ne’e Partense hotu ba Nasaun Timor ne’e ka lae? Hau hanoin ida ne’e Politika ida ne’ebe maka halo diskriminasau ba Povu sira, ita halo diskriminasaun ba dezemvolvementu la bele balun maka senti naroman e balun la senti naroman. Ita nia Nasaun ne’e Nasaun Soberano ona ema hotu tenki idepedente. Ita nia filosofia ba ukun an ne’e dehan katak Libertasaun Patria Libertasaun Povu. Agora Nasaun mós Livre tia ona mós Povu sei hela nafatin iha nakukun ne’e Kuitado. I Pior liu tan maka ema hosi Postu Administrativo ne’e sofre iha Levantamentu 1982 ne’ebe maka fakar ba iha Builico ne’ebe ohin loron sai kuinesidu ho naran Jakarta 2. Ne’ebe Rekomenda ba iha Ministeru Relevante Liu-liu Obras Publik atu haree Kompanhia sira ne’e husu atu kontinua sira nia servisu se la kontinua diak liu EDTL maka halo intervensaun deit tamba ita senti ida ne’e la mentavel tebes hosi ita povu ki’ik.Hateten Juventude ne’e ba Jornalista Racom Maubisse 03/06.2021.
Tanba ne’e hanesan Juventude senti Preokupa tebes tanba Kompanhia abadona servisu maske instalasaun la’o ona maibe to ohin loron ahi seidauk lakan.
Preokupasaun hanesan hato’o mós husi xefe Aldeia Hatu-Serque Alfredo do Carmo Araujo. Tuir Xefe aldeia ne’e katak Komunidade sira oferese ona sira nia ai ahoris tanba deit hakarak Asesu ba iha roman eletrisidade maibe to ohin loron komunidade hein hela promote ba promote la dauk realija Promesa hirak ne’e.
“Komunidade oferese tia hotu sira nia Aihoris, buat ne’e agora kompanhia ida tama mai kaer riba hela, ida tama tan mai dehan Promete loron katak 62 hari ahi lakan ona.Agora ami nia hakarak ne’e maka ne’e se kompanhia sira la mampu ona la bele kaer fo ba ema seluk ou fo ba ema sira riku maka kaer kiak labele kaer, I se la mampu fo ba EDTL maka kaer deit ona”.Hateten Xefe Aldeia Hatserque ba Jornalista Rakom Maubisse 03/06/2021.
Tanba ne’e xefe aldeia ne’e husu ba Governo atu toma netik konsiderasaun ba Preokupasaun komunidade sira iha baze liga liu ba Roman Eletrisidade Tanba to’o ohin loron ahi seidauk lakan. Ho ida ne’e Autoridade komunitario ne’e konsideira Ukun an ne’e so sira ne’ebe maka hela iha Sidade Komunidade sira iha foho la dauk senti ukun rasik an.
Uma kain Atus ha’at ha’at nolu (440) ne’e Kompostu hosi Aledia Hato-Sereque hitu nolu resin ha’at (74), Tucaro atus ida lima nolu resin ha’at (154),Nunu-Mogelau atus ida nen nolu (160) no Aldeia Lebulau Lima nolu resin rua (52).
Kompanhia ne’ebe maka kaer obra ne’e maka Kompanhia Simauhei Unip.Lda Suportador maka Kompanhia Devita Unip.Lda no Kompnahia Terolau nia Suportador maka Omega Unip.Lda.
Entretantu to’o Notisía ne’e hatun Jornalista Radio Komunidade Maubisse Mauloko seidauk halo konfirmasaun ho Parte kompanhia ne’ebe maka toma konta ba iha Obra ida ne’e iha Suku Nunumoge Postu Administrativo Hatobuilico Municipio Ainaro.
Jornalista : Tereza Mendonca
Editor :Moisese da Silva Magno
