Ligadu ho ida ne’e iha loron 03 Fulan Junho ne’e Ekipa Radio Komunidade Maubisse Mauloko to’o direita ba iha fatin Turizmu refere ne’ebé ho naran ‘KAHAE’ hamutuk ho Grupu Juventude sira. Ho ida ne’e ba Jornalista Radio Komunidade Maubisse Mauloko Konsellu Juventude Postu Administrativu Hatobuilico Elias Pereira Xavier Cardosu  hateten ida ne’e hanesan Fatin Turizmu foun ne’ebe maka durante ne’e ladauk deskobre.

“Ohin ita nia Objetivo mai iha ne’e atu halo esplorasaun ba iha fatin Turizmu ne’ebe maka durante ne’e ita la deskobre ita hanoin katak fatin Turizmu maka ‘DOKOMALI’ deit hanesan Air terjung ou be’e tudak ne’eb’é maka iha, afinál sei iha tan fatin seluk ne’ebé maka ita seidauk deskobre, ne’ebé ha’u hanoin Fatin ne’ebe maka ohin ita deskobre dadaun ne’e hanesan pasu di’ak ida hodi promove liu tan.” Hateten Konsellu Juventude Elias iha Be’e tudak “KAHAE’ 03/06/2021

Elias kontinua deahan, Fatin bee tudak ne’e ejisti iha Suku Nunumoge nia Areia no sei iha tan fatin seluk ne’ebe maka seidauk deskobre.

Tuir xefe Aldeia Hato-Serque Alfredo do Carmo Araujo hateten Fatin Turizmu bee tudak iha Suku Nunumoge la’os ne’e de’it maibe sei iha tan fatin seluk ne’ebé  maka furak liu tan maibe la dauk deskobre.

“Iha Parte bee Tiris Tirizmu iha Suku Nunumoge ne’e iha fatin barak La’os ida ne’e de’it, hanesan fatin ida ne’ebe foin lalais ne’e ami ba haree ona iha baliza suku Nunumoge ho Suku Manutaci nian. Maibe ba fali leten ne’ebá ami seidauk ba ne’ebé itabo’ot sira bele hakat direita ba ne’ebá hodi haree ho Matan.”Haktuir Xefe Aldeia 03/06/2021

Aleinde ida ne’e mós hanesan Vizitantes husi Suku Mau-Chiga Estevão de Araújo hanesan Vizitantes dahuluk ba Fatin Turizmu We’e Tudak ‘KAHAE’hateten.

“Ha’u husi Suku Mau-Chiga hanesan Vizitantes bá bee tuda ne’ebé ohin ita bá, ha’u pesoál ohin haree ho matan iha ne’ebá iha bee tuda rua ne’ebé maka’as tebes.  Ne’ebé ha’u kontenti tebes  ba oin ha’u sei bá nafatin tanba fatin ida ohin ne’e ita dehan fatin ne’ebe maka Turistiku tebes”.Hateten Estevão ba Jornalista 03/06/2021.

Tanba ne’e Vizitantes ne’e husu ba iha Governu MTCI  atu iha Planu ne’ebé di’ak hodi kontinua  dezemvolve di’ak liu tan basá dalan asesu ba iha fatin bee tudak ne’e grave tebes, la’os atu loke Estrada foun maibe bele hadia netik dalan ba iha neba nu’une’e bele fasilita Vizitantes vizita ba iha fatin ida ne’e. Tanba tuir Vizitantes ne’e hateten liu husi Dezemvolvimentu fatin Turizmu sira bele mós hatama Reseitas ba Estadu.

Jornalista         : Tereza Mendonca

Editor              : Moises da Silva Magno