Enkontru ida ne’e hala’o iha Salaun Administrasaun Munisipiu Ainaro Segunda Loron 07 Fulan Junho ne’e. Objetivo husi Enkontru ida ne’e hodi fahe informasaun no hanoin hosi Organizasaun Sosiadade Civil Municipiu Ainaro Kona ba Impaktu husi Estado Emerjénsia no oinsa Papél Rede Sosiadade sivil sira nian hodi Apoiu Governu iha Situasaun Aktuál atu halo Prevensaun no Mitigasaun ba Pandemia Covid-19.
Relasiona ho ida ne’e ba Jornlista Radio Komunidade Maubisse Mauloko Sekretaria Munisipiu Ainaro Aguida Judit Mendonça hateten.
“Di’ak ita Apresia ba Presenja FONGTIL nian ne’ebé maka ohin marka enkontru iha Administrasaun Munisipiu, kooperasaun ne’e entre FONGTIL ho Administrasaun Munisipiu. Presenja ne’ebe maka FONGTIL sira mai iha Ainaro oinsa maka bele halibur informasaun no halibur dadus sira kona ba situasaun aktuál ne’ebé maka ita nia komunidade iha Munisipiu Ainaro infrenta liu-liu haree ba iha ita situasaun E.E ne’ebé maka agora dadaun la’o hela I oinsa maka atu haree ba iha servisu sira ne’ebé maka durante ne’e Administrasaun Munisipiu Ainaro hala’o ho ekipa tomak hala’o hela liu husi ekipa TACKFORCE Prevensaun Kovid ninian haree mós ba iha Problema sira seluk ne’ebé maka komunidade sira infrenta. Ida ne’e Parte ida ke importante tebes atu hosi Parte Sosiadade Sivil mós bele akompana Servisu balun ne’ebé maka durante ne’e Administrasaun Ainaro halo, Importante tebes ba ita maka nafatin ita atu servisu hamutuk atu bele tranforma informasaun sira ne’e ba komunidade sira nu’une’e ita bele prevene Surtu Covid-19 iha ita nia rain.”Hateten Sekretária Munisipiu Ainaro Aguida Judit Mendonça ba Jornalista Radio Komunidade Maubisse 07/06/2021.
Iha fatin hsnesan Koordensdor Advokasia Forun Ong Timor Leste FONGTIL Ivo Colimau Lay hafoin de halo diskusaun ho Organizasaun Rede Sosidade Sivil no Autoridade Loka iha Munisipiu Ainaro ba Jornalista Radio Komunidade Maubisse Mauloko Haktuir.
“Objetivu husi enkontru ida ne’e para atu bele husu no rona informasaun sira ne’ebe maka sirkula no ejisti iha Munisipiu Ainaro durante implementasaun husi E.E ne’e para atu rona impaktu saida de’it mosu durante implementasaun E.E ba seitor hanesan Sossio Ekonomia Kultura hanesan ba iha Eduksaun, ba iha Saude,ba iha Agrikultura, liu-liu ba Mikro Impreja sira ne’e, no mo’os ba iha seitor sira seluk ne’ebe maka ohin diskuti iha ne’e. Ne’e duni informasaun sira ne’e sai hanesan bukae ida ba iha FONGTIL hodi ba iha Parte Nasional atu husu sira intervensaun imediatamente ba situasaun sira ne’ebe maka povu iha Municipio Ainaro ejerse”. Hateten Koordenador Avokasia FONGTIL 07/06/2021.
Alende ida ne’e FONGTIL mo’os sei loke Komunikasaun ho Autoridade Masimu Muncipio Ainaro liu hosi Relatoriu ne’ebe hato direita husi Rede Sosidade Civil Municipio Ainaro hamutuk ho lideransa Komunitaria sira hafoin de inkamina Relatorio ba Administrador Municipio Ainaro hode hare ba iha Informasaun Hirak ne’e.
Partisipa iha Suurumutuk ida ne’e Sercetaria Municipio Ainaro, Adjuntu Komandante PNTL Municipio Ainaro, Jerente Plan Internasional Municipio Ainaro, Reprejentate Administrador Postu Ainaro Villa, xefe do Suku MAnutaci, Mulo,no Xefe do Suku Maubisse Vila, Iklui Organizasaun Nao Govermentais sira ne’ebe maka ejisti iha Municipio Ainaro.
Jornalista :Joaqim de Fatima Coutinho Editor : Moises da Silva Magno
