Racom Maubisse, (26/11/2021) Novidade ne’e ható husi Autoridade Komunitaria Maulau Poatu Administrativo Maubisse Municipio Ainaro Domingos Mendonça Sexta feira ne’e liu husi intervista ho Jornalista Radio Komunidade Maubisse Mau-Loko.

Eskola ne’ebe maka konstroi liu husi projetu komunitaria iha Suku Maulau nia konta maka hanesan Pre Eskolar 7 de Dezembro Bermoli Maulau no Eskola EBF Lumluli.

“Hau hanesan Lider Komunitaria iha fatin ida ne’e hau senti orgullu tamba Ministériu Edukasaun bele iha hanoin para bele Dezemvolve diak liu tan seitor edukasaun iha Suku Mau-lau ida ne’e. Tinan 2021 ida ne’e MEJD bele iha plano ba konstrusaun ba eskola Pre Eskolar Bermoli, no EBF Lumluli tamba ne’e hau orgullu” Hateten Xefe Suku Maulau ba Jornalista RKMM 26/11/2021.

Entertanto Planu MEJD Tinan ida ne’e ba Municipio Ainaro Konstroi  Eskola hamutuk 16 Kompostu husi Postu Administrativo Ainaro Villa, Hato-Udo, Hato-Builico, no Postu Administrativo Maubisse.

Jornalista         :Natalino Mendonça

Editor              :Moises da Silva Magno