Racom Maubisse 15/11/2021, Vise Presidente Konsellu Warda Dezemvovementu Turizmu Maubisse Mau-Loko, Akual Xefe do Suku Maubisse Villa Wilson Nivio Mendonca ba Jornalista Radio Komunidade Maubisse Mau-Loko Informa ho montante orsamentu ne’ebe maka mensiona ne’e, hanesan premeira etapa ba Dezemvolvementu Turismu Komunitaria iha Iha Postu Administrativo Maubisse Municipio Ainaro.
Lia hirak ne’e hato’o hafoin remata enkontru ho Estrutura Warda Turizmu Maubisse Segunda Feira ne’e.
“Objetivo husi ekontru ida ohin maka, husi konsellu Warda Turizmu Maubisse nian aumesmu tempu ho Jestor sira Estrutura rasik halo surumutuk ida ne’e atu halo levantamentu ba Fundus ne’ebe maka fo husi Miniteriu Turizmu purvolta Dolares Rihun Ha’at Nolu ($40.000) ba Dezemvolvementu Turizmu iha Lakaor Rabilau nian ne’e, ho fase premeiru maka dolares Rihun Sanolu Resin Nen ($ 16.000) ida ne’e maka atu ejekuta premeiru ba Dezemvovementu Situs Turizmu iha Rabilau nian” Hateten Wilson ba Jornalista RKMM 15/11/2021.
Fatin hanesan Jestor Warda Turizmu Maubisse Mau-Loko Joaquim de Fatima Coutinho hatutan, liu husi surumutuk ida ne’e atu informa ba iha membrus sira kona ba Orsamentu ne’ebe maka aloka ona husi Governo Liu husi Ministeriu Turizmu hodi Dezemvolve Sitiu Turizmu Komunitaria iha Suku Maubisse Villa Municipio Ainaro.
“Ohin ami nia enkontru ida ne’e atu informa ba iha mebrus sira kona ba fundus ne’ebe maka hetan apoiu mai husi Governo MTKI atu halao Dezemvolvementu Turizmu Komunitaria iha Foho Rabilau Maubisse. Tamba ne’e ohin ami hotu aseita hotu ona hein deit Presidente mai asina ami bele foti osan hodi halo Dezemvolvementu turismu iha foho Rabilau” Dehan Jestor Warda Maubisse.
Surumutuk ida ne’e halao iha Sede Suku Maubisse Segunda loron 15 Novembru 2021 foin lalais ne’e.
Jornalista : Moises da Silva Magno
Editor : Racom Maubisse
