Racom Maubisse, 20-11-2021 Sabadu semana ne’e Organizasaun HADEZTA ho ekipa aranka husi Dili mai ba Aldeia Queorema Suco Nunumogue Posto Administrativo de Hatobuilico Municipiu de Ainaro, hodi apoia nececidade Baziku ba Chefe da Failia hamutuk uma kain 150.
Relasiona ho apoia refere ba radio Komunidade Maubisse mauloko Director HADEZTA Fransico De Araujo hatete katak;
“Antes ne’e ha’u haruka ona hau nia staff balu foti uluk lista husi komunidade sira tanba ha’u nia kolega balu hakarak apoiu ba komunidade sira nebe mak precise tebes tulun liu liu nececidade baziku, tamba hanesan ita hatene katak, baibain ema dehan governo deit mak fo apoio maibe apoiu sira hanesan nee mos ema apoiu liu iha cidade no ema sira iha cidade maka sempre hetan hela deit, tanba ne’e maka ha’u haruka rejistu ba sira nebe karik presija hanesan fos kilo 10, mina litru 1, masin, masimidar no ida ne’e se mak hakarak bele rejistu naran, ikua mai hetan duni dadus mak ohin loron ami mai halao distribuisaun”.
Responsabel Organizasaun HADEZTA ne’e haklaken liu tan katak;
“Nia parte mos hatete ba beneficiariu sira katak ita boot sira nia toos se udan been diak imi bele hetan lukru se udan been ladiak imi la hetan lukru, nia mos hatete laos apoiu ba lorloron maibe atu sustenta netik ba loron ida ka rua e laos fo karon tomak, maibe fo kada familia ida kilo sanulo ho mina, supermi, masin midar no masin, tanba nee maka se mak senti hanesan familia simu ba ne’e hanesan ami fo apoiu laos buat nebe bo’ot, maibe buat nebe ami iha koko atu fo ba ita boot sira”.
“Iha fatin hanesan, Chefe Aldeia Queorema Francisco Ximenes hato’o nia agradesimentu ba ONG HADEZTA tamba bele apoiu netik nia komunidade ba loron ida rua ou fulan, maibe uituan ka barak ita tenki simu tamba ita haruka sira ba e lori fila mai ita, tanba nee nafatin agradece ba Maromak tanba bele tulun ona ita”.
“Fransisco mos haktuir liu tan katak iha tinan barak ami nia Estrada mak fo impaktu tamba iha tempu bailoron sei diak netik ba ami hodi fan produtu ocal sira maibe iha tempu udan susar tebes atu komunidade sira lori sira nia produtu local ba fan iha merkadu, e satan ho pandemia kovid-19 ne’e araska liu tan no modo barak ami labele fan no fakar estraga deit”.
Organizasaun sociedade sivil sira hanesan parseiro ho governu, tamba ne’e se komunidade sira hasoru problema social hanesan menus aihan Estrada ka infratruktura ladun asesu ho diak e mos ho problema social seluk, organizasaun sociedade sivil sira iha dever atu apoia mos tuir kbit ne’ebe mak iha kada organizasaun.
Jrnalista : Natalino Mendonca
Editor : Racom Maubisse
