Lider Carismatico Kay Rala Xanana Gusmao Participa Missa iha Gruta Ave Maria Hatusao Horaquic Maubisse, depois de Missa Xanana Husik Matan ben.
Racom Maubisse: Missa ne’ebe halao iha Hatusao Horaquic Maubisse, 5/11/2021, prezidi husi Amu Fridu Cruz no participa husi Maun Boot Xanana hamutuk ho sarani sira husi Suco Horaquic no Suco Maubisse.
Iha missa ne’ebe prezidi husi Amu Fridu Cruz iha Knua Lebulau Aldeia Hatusao Horaquic, Lider Carismatico Kay rala Xanana mak le’e leitura nomos ajuda missa, depois de missa amu selberante husu atu sarani sira foti liman tula ba Lider Carismatico hodi fo bensaun, relasiona ho bensaun refere, Xanana husik matan ben.
Maske situasaun ne’e lao lais deit maibe hatudu katak Xanana hamutuk ho komunidade no komunidade hamutuk ho Xanana iha fatin simples ida ne’e hodi participa iha missa refere, no depois de missa Eis Primeiro Ministro Xanana distribui nececidade baziku ba katuas no ferik sira iha Aldeia Hatusao Suco horaquic Maubisse, hamutuk 59 pessoal, ajudus nececidade baziku sira ne’e maka hanesan fos supermi ho mina biboli.
Iha Intervista ba Radio Komunidade Maubisse Mauloko, Amu Selebrante Padre Fridu Cruz hateten katak:
“Ohin hau hetan komvite ida iha ne’e atu mai selebra misa hamutuk ho ita nia Lider Karismátiku, Avo Xanana ne’ebe koñesidu hanesan Avo, ne’e orgulho bo’ot ida ba hau atu selebra, no ohin ita nia leitura sira ohin ita lee ba hau atu reflete ba futuru Timor ida ne’ebe diak tebes, liu-liu hanesan Avo ne’ebe fo ona nia moris tomak, nia vida tomak no matenek tomak, hodi luta ba deit Nasaun ida ne’e no povu ida ne’ebe nia hadomi, mai kedas nia prinsipu primeiru hodi kontinua luta nain sira nia historia, luta nain sira nia mehi, luta nain sira nia hakarak, ikus mai nia mak sai rasik hanesan lideransa ida ne’ebe hakotu funu ida ne’e, hakotu determinasaun ba povu ida ne’e no ikus mai nia hatudu nafatin katak nia hakarak no hadomi povu ida ne’e duni no nia hakarak nafatin luta ba povu nia interese, luta ba povu nia hakarak, luta ba povu nia future ba gerasaun mai hodi konta nafatinn avo Nana, katuas xanana, avo Xanana Karismátiku nia prinsipiu primeiro mak ne’e, hare povu, luta ba povu no transmiti domin povu nian ba Nasaun tomak iha Mudo Rai Klaran.”
Amu Fridu haktuir liu tan katak “Hau hanoin ne’e mak mensagem ne’ebe ohin ami hato’ no husi Maromak nia Liafuan ne’ebe ohin haklean fali ita hametin fila fali ita nia fiar iha nia ho grasa ida dehan, ho Maromak nia grasa de’it Espírito Santo nia kbi’it de’it ho Jesus nia Bensaun ita bele halo buat hotu-hotu no ita bele kontinua misaun ida ne’e iha dame no paz nia laran.”
Depois de missa no fahe nececidade baziku sir aba katuas no ferik sira iha Aldeia Hatusao, Suco Horaquic Maubisse, Maun Bo’ot Xanana ho Ekipa Fila hkas ba Dili, hodi kontinua viajem ba fatin seluk.
Jornalista Noni Martins
Editor Joaquim Coutnho
