Racom Maubisse, 5/02/25, Elisario Ferreira Nudar Jeneral Manejer e mos hanesan Jestor ba Federasaun No Kooperativa Kreditu Hanai Malu Timor Leste Halao Formasaun Ba Dirijente Sira Koperativa Maubisse Hanoin Malu durante loron lima konaba organizasaun ko’operativa nian, organizasaun jestaun, koperativa ezeklziva, no koalia mos onsa atu analiza hodi halo distribuisaun imprestimo ba membru sira bele fo fila ho diak.
Relasiona ho formasaun refere, ba jornalista Radio Komunidade Maubisse Mauloko, Elizario Ferreira haktuir katak;
“Mai iha ne’e hodi halo formasaun ba dirijente sira Maubisse Hanoin Ba Future, no formasaun ne’e durante loron lima hodi koalia konaba organizasaun ko’operativa nian, koalia mos konaba organizasaun, jestaun, ko’operativa ezklziva nian, koalia mos onsa atu analiza hodi halo distribuisaun imprestimo ba membru sira bele fo fila ho diak, e ohin mos koalia konaba produtu inovadora oinsa mak ko’operativa bele iha produtu nebe diak hodi oferese ba membru sira atu atrai membru sira nia hakarak hodi investe iha ko’operativa, ne’e parte ida iha poupansa atu hasae kapital ko’operativa nian hodi atribui emprestimu ba membru sira ho volume ne’ebe boot tuir kapasidade ko’operativa nian”.
Dirijente Ko’operativa Hanai Malu ne’e mos hatutan liu tan katak;
“Ko’operativa maubisse hanai Malu ba future ne’ebe mak iha ona, nia funsionamentu furak no diak tebtebes ho nia organizasaun ida ne’ebe klaru nomos nia jestaun ida ne’ebe iha fase estandarizasaun tanba ida ne’e, ohin konklui ho teoria e sei kontinua iha aban bairua konaba jestaun kontabilidade no konklui iha relatoriu ida estandarizado ho baze federasaun kreditu hanai malu, nomos baze iha Asean Confederation Credit Union, tanba federasaun hanai malu aliadu iha ko’operasaun internasional nian, halo mos iha koinesimentu iha instituisaun rejional nasional no internasional atu lori ko’operativa timor husi munisipiu ba nasional ba too internasional”.
Jeneral Manejer ne’e hatutan liu tan katak;
“Lalaok Ko’operativa de Credito Union kompara ho tinan 15 federasaun existe koperativa Maubisse Hanoin ba Future kuandu ami halo lista ba estandarizasaun tinan ida ne’e, liu husi ko’operasaun ne’ebe ami halo ho Asean confederation credit union ami foti ko’operativa 20 sai hanesan ko’operativa pilotu bazeia ba estandarizasaun ba Maubisse Hanoin ba Futuru, Maubisse sai hanesan numero 2”.
Ko’operativa adopta karakter umilde onestidade no simplisidade, ne’e katak; Hahu ho umildade dezenvolve ho onestidade no kontrola ho simplisidade” so ho nunee deit maka ita bele dada komunidade nia hakarak atu hola parte iha ko’operativa.
Iha fatin hanesan Paulina Mendonça de Araujo hanesan finanasas iha Ko’operativa de Credito Union Maubisse expresa nia hanoin relasiona ho treinamentu durante loron lima ne’ebe katak;
Hanesan Finansas ba iha Ko’operativa Maubisse Hanoin ba Future, senti inportante tebes konba formasaun ida ne’e, hodi bele hetan kapasitasaun nomos bele hetan esperiensia bele hetan mos buat foun balun husi formasaun nee nunee bele lori koperativa nee ba future ne’ebe diak liu tan”.
Presidente Ko’operativa de Kredito Union Maubisse Hanoin ba Futuru Luciano Nunes haktuir mos katak;
“Agradese ba Jenral manejer husi Nasional tamba bele mai fo formasaun ba ami iha Maubisse, tamba liu husi formasaun sira nune’e maka bele fo kapasita liu tan ami estrutura Ko’operativa de Credito Union Maubisse Hanoin ba Futuru, atu nune’e ami bele lidera orgnaizasaun ida ne’e ba oin ho diak liu tan”.
Treinamentu ne’e halao durante loron lima no participa husi Responsabel maksimu Ko’operativa de Kredito Union Maubisse Hanoin ba Futuru ho membru sira.
Ekipa Kobertura : Racom Maubisse Mauloko
