Racom Maubisse, 2025, Administrador Posto Maubisse Realiza enkontru hamutuk ho ekipa PNDS Posto maubisse, iha Salao Administrasaun Posto Administrativo de maubisse ho objektivu mak relata relatoriu konaba PNDS nia servisu sira iha tinan 2024 nian.
Relasiona ho sorumutuk ne’ebe mak Administrador Posto Maubisse Joaquim Soares Salsinha Halao ho Ekipa PNDS, ba Radio Komunidade Maubisse Mauloko, Koordenador PNDS Posto muaibisse hateten katak;
“Hanesan kordenador PNDS Posto Maubisse, konsidera konvite Administrador Posto maubisse hodi hola parte iha enkontru refere, tamba ne’e objetivo ohin enkontru iha salaun Administrasaun Posto muaibisse mak kona ba PNDS nian, ajenda ne mai husi administrasaun postu e konvida PNDS hanesan partisipante para atu relata relatorio progresu ejekusaun nebe mak implementa ona iha maubisse durante 2024 nian”.
Koordenador PND Posto Maubisse ne’e haktuir liu tan katak; “ita nia objetivo principal mak atu relata relatorio servisu PNDS nian, etapa sira nebe mak faze dezenvolvimento nian presiza tebes duni, asembeleia posto nian mak foin mosu prioridades sira nebe mak lori mai suku, hodi mai diskuti iha posto, nune bele hetan prioridade ruma para atu implementa fali iha tinan oin, liliu ba autoridade lokal, chefe do sucu, chefe aldeia, jetaun sucu sira iha maubisse, nafatin kontinua servisu para aselera servisu sira nebe mak ita nia sucu sei pendete hela, dala ida tan husu ba autoridade sira atu tau matan ba obras sira nebe mak, lao hela iha ita boot sira nia sucu, tamba PNDS nia nain mak ita boot sira, hanesan autoridade no komunidade iha sucu sia 9 ne’e”.
Iha Fatin hanesan Administrador Posto Maubisse Joaquim Soares Salsinha hateten katak ohin konvida instituisaun relevante sira hotu iha Maubisse mai iha ne’e atu koalia ho sira konaba programa ne’ebe mak instituisaun halao iha Maubisse, liu liu hanesan PNDS, tamba PNDS halao programa barak iha Maubisse hanesan Estrada no seluk tan.
Participa iha enkontru ne’e ekipa husi PNDS, Saude, no Chefe do Suco, Chefe Aldeia no funsionariu Administrasaun Posto Maubisse.
Ekipa Kobertura; Racom Maubisse Mauloko
