Rakom Maubisse Mauloko, 25/11/2024, Iha Konstituisaun RDTL Artigo 72 kona-bá poder lokál, lei Suku 9/2016, Artigo 61 meiu Ambiente no Artigo 7 númeru 14/2017 (Responsabilidade). Bazeia ba enkuadramentu legál hirak ne’e mak fó dalan ba Komité PLUL suku Edi no suku Fatubesi hamosu regulamentu iha suku refere, nune’e mak realiza asembleia iha salaun Postu Administrativu Maubisse ho kategoria Asembleia Esktraordinário ho azenda principal kona-bá apresiasaun no aprovasaun ba regulamentu suku rua (Edi, Fatubessi).
Relasiona ho Asembleia Nivel Postu Kona-Bá Regulamentu Suku Edi No Suku Fatubessi ne’ebe halao iha Salaun Posto Administrativo Maubisse, ba Radio Komunidade Maubisse Mauloko, Xefe Departamentu Jestaun Areia Kosteira Mangains, Diresaun Nasional Jestaun Floresta Basegintrografi Areia Mangais Maunel da Cruz hateten katak;
“Asembleia Postu Maubisse aprezenta sira nia draft konaba lei tarabandu, tamba ne’e ami hanesan Governu sentral hakarak mai atu fó apresiasaun ba sira tamba durante sira halo ona servisu ne’ebé másimu hodi prepara draft konaba lei tarabandu nian ne’ebé lai, ida ne’e sei konsidara hanesan lei fundamentu teb-tebes atu bele suporta no asegura konaba sasan sira nebe governo sental kria tamba governo mos kria ona lei gestaun floresta no lei areia protezida sira, ne’ebé lei ne’e mesak mós sei la halo buat ida wainhira lei husi baze ladun forsa, tamba ne’e mak Governo sentral mai iha postu Maubisse hakarak fó apresiasaun ba komité atu nune’e lei ida ne’e mós diak ba parte hotu-hotu iha Postu Maubisse”.
“Tuir informasaun ne’ebé mak hetan ne’e los ba Maubisse de’it, iha tempu besik, sei ba Same atu nune’e situisaun ne’e sira tenki lao nafatin para bele atinzi metas ne’ebé mak ita nia parseiro JICA servisu hamutuk ho Governo liu husi fasilitador NGO local sira.”
“Komité ne’ebé mak prepara ona lei ne’e husu asegura nafatin labele dehan sasan sira ne’e ita kria maibé hela de’it naran, ami husu para komunidade liu-liu husi komité ninia reprejenta konseillo do Suku ho Autoridade lokál sira ne’ebé para ona, sira tenki nafatin obedese atu implementa saida mak sira hakerek ona hanesan lei baze suku nian”.
Iha fatin hanesan Chefe suco Edi Julio Mendonça Martins ne’ebe mos hola parte iha asembleia lei tara bandu ne’e haktuir katak;
“Lei tara bandu ne’e diskuti ona iha suku koalia kona-bá tara bandu suku ninian, tamba buat ida ne’e ates atu lori mai iha Postu, ami halo diskusaun iha suku kuaze fulan 3 nia laran iha ne’ebá mós halo sosializasaun ba iha nivel aldeia sira, intelektual sira, lia nain sira no komunidade hotu iha Suco Edi, nohetan partisipasaun husi prezidenti kultura para hare kona-bá lei tara bandu ne’e wainhira implementa iha suku forte liu tan”.
Lideranca Komunitariu Sucoi Edi ne’e hatutan liu tan katak;
“Ohin ami mai halo diskusaun no aprezentasaun iha Postu, hotu sei lori ba aprezenta iha Munisípio, no suku ne’ebé mak sai hanesan pilotu Suku Edi ho Suco Fatubessi, objektivu husi lei tara bandu ne’e maka, ba oin bele fó benefisiu ba ita nia komunidade sira oinsa ita bele redus gastusu sira ne’ebé ita nia beiala sira fo hela ba ita, bele kalia konaba floresta ninian oinsa mak ita bele koserva fila fali rai, labele sunu rai arbiru, tesi arbiru, la bele halo problema iha suku laran atu nune’e bele kontribui ba dezemvolvimentu suco.” Haktuir Julio Mendonça Martins.
Be matan, ai hun ne’ebé durante ne’e beala sira rai hela mai ita, hanesan eransa ba jerasaun agora no jerasaun tuir mai, tamba ne’e precisa konserva no dezemvolve nune’e bele fo beneficiu ba ita nia jerasaun sira iha future. Tamba ne’e Chefe Suco Edi ne’e Relata liu tan katak;
“Draft konaba tara bandu ne’e ohin lori ona kai iha posto hodi halo diskusaun depois de ida ne’e sei lori fali ba municipiu, no tuir informasaun ne’ebé mak iha katak depois de lori on aba iha municipiu halo koresaun no aprova sei implementa iha fulan dezembro 2024 nia laran. Tamba ne’e ba suku Edi ita hakarak lei ida ne forte hodi bele fó benefisiu ba komunidade, tamba ne’e husu ba parte hotu liu liu komunidade suco Edi ho Fatubessi atu kopera no obedese ba regulamentu nebe mak iha.”
Iha fatin hanesan mos Chefe do Suco Fatubessi Maubisse, Bonifasiu Pereira Mendonça argumenta mos katak;
“Sorumutuk ne’e hetan aprovasaun husi Administrador Postu hanesan mos Prezidenti, no lei tara banadu ne’e hanesan regulamentu ida estabelese iha suku rua hanesan Suku Edi no fatubessi, no atividade ne’e la’o kuaze fulan 3, Dezembro komesa halo lansamentu ba tarabandu, tamba ne’e fó hanoin ba komunidade iha postu Maubisse liu- liu iha Suku fatubessi katak programa tarabandu ne’e regulamentu ida ne’ebé governu liu husi lideransa komunitariu sira kria hodi regula sasan hotu ne’ebe mak la’o iha fatubessi liu-liu ba iha parte hanesan ema, animal, rekursu naturais nebe iha suku fatubessi.” Haktuir Chefe do Suco Fatubesse Bonifasiu Pereira Mendonça.
Asembleia ne’e hala’o iha Postu Administrativu Maubisse, Munisípiu Ainaro ho total partisipante 63 pessoas, mane 53, feto 10 no membrus Asembleia ho total 35 pessoas, mane 32, feto 3 iha Salaun Postu Administrativu Maubisse. Regulamentu Suku Edi no Suku Fatubessi ne’e hetan aprovasaun ho unanimidade iha votasaun zeneralidade afavor 35, Abstensaun 0 no Kontra 0 iha data 25/11/2024. Programa ne’e hetan apoiu husi Governu Timor Leste no Agensia Internasiona husi Japaun JICA.
Jornalista : Meliana Alves Lemos
Editor : Joaquim Coutinho
