Racom Maubisse, 29/10/2024, Sekretáriu Estadu Dezemvolvementu Lokal Mateus  do Santos Tallo lansa ona sistema atendementu kartaun eleitorál ho sistema biométriku iha munisípiu ainaro. Resensiamentu eleitorál ho sistema biométriku atu prevene fraude  eleitorál husi sidadaun sira ne’ebé dupla karatun no falsifikasaun dukumentus.

Reprejenta direktur jerál STAE Agostinho da Cunha hafoin de lansa resensiamentu eleitorál ho sisitema biométriku iha edefisiu stae munisípiu ainaro husi sekretáriu estadu dezemvolvementu lokal hamutuk ho autoridade munisípiu ainaro hateten;

“Lansamentu ida ne’e hodi aktualizasaun baze de dadus liu husi sistema foun ne’ebé governu introdus ona no  sistema ida ne’e hodi evita sidadaun sira ne’ebé dupla kartaun eletorál núne’e bele hatene tasa partisipasaun eleitores iha elisaun tamba númeru partisipasaun eletores menus kompara ho dadus eleitores ne’ebé rejistradu iha stae”

Agostinho da Cunha kuntinua husu ba autoridade lokal munisípiu ainaro atu kuntinua partilla ona informasaun ne’e ba komunidade sira iha nivel baje atu mai troka ona kartaun eleitorál ne’ebé antes ne’e iha.

Iha Fatin hanesan, eleitór filomeno da silva  hateten;  “Sistema foun ne’ebé governu introdus  liu husi sistema biométrika atu evita sidadaun sira  ne’ebé dupla kartaun no resolve failansu sira ne’ebé  akontese iha elisaun sira liu ona, tuir filomeno katak númenru eleitores ne’ebé rejistu as maibe partisipasaun iha elisaun menus”

Enkunatu dukumentus ne’ebé presija ba aktualizasaun baje de dadus liu husi sistema biométrika maka hanesan kartaun eleitorál, sertidaun rdrl, bilete indetidade,  pasaporte, aprejenta orijinal ho kopia”

No tuir dadus total eleitores ne’ebé rejista iha stae munisípiu ainaro  hamutuk rihun hát nolu resin sia, atus hitu, tolu nolu resin rua, kompostu husi mane rihun rua nolu resin lima, atus hitu nen nolu resin hitu, no feto rihun rua nolu resin tolu, atus sia nen nolu resin lima.

Ekipa Kobertura : Racom Maubisse Mauloko