Racom Maubisse, 13/11/2024 Escola Paralelo Kamlai Maubisse hetan Inaugurasaun husi Presidente da Republica, Hafoin de inaugura Prezidente da Repúblika  José Ramos Horta hateten;

“Edukasaun importante ba labarik sira tanba ne’e agradese ba doador internasional husi organizasaun epend it well ne’ebé apoiu fundu hodi finansia ba projetu konstrusaun eskola ne’e”.

Iha Fatin hanesan, Direktur Ensinu Báziku Sentrál Maubisse Villa  Jorge Medonça hateten katak;

“Ho edifisiu eskola foun ne’e bele ona fasilita prosesu de ensinu nian ho diak liu tan ba estudante sira no ida ne’e haforsa ona dezemvolvementu liu husi eskola foun ne’ebé inaguradu ona”.

“Xefe Suku Maubisse Vila Wilson Nivio Mendonça lori komunidade maubisse nia naran agradese ba xefe estadu tamba promesa ne’ebé antes ne’e halao ho manorin nain no estudante sira iha eskola refere halori ona rejultadu positivu ba estudante no manorin nain sira iha eskola ne’e”.

Autoridade suku ne’e agradese mos doador internasional ne’ebé ho fuan bót apoiu ona komunidade maubisse iha setór edukasaun nian, tamba ne’e nafatin husu ba komunidade no manorin nain no estudante sira atu tau matan no kuida edefisiu eskola ne’e.

Alem de Eskola EBF Kamlai Maubisse, hola parte iha eskola Ensinu Báziku Sentrál Maubisse Vila ne’ebé ho totál estudante atus sia, sia nolu resin lima, no totál manorin nain rua nolu resin lima.

Ekipa kobertura: racom maubisse mauloko