Racom Maubisse, 2024, Relasiona ho festival Rabilau Maubisse ne’ebe akontese iha dia 15-19 de Outubro 2024, ba Radio Komunidade Maubisse Mauloko, Presidente Turismu Komunitariu Rabilau Adelino Mendonça Espirito Santo haktuir katak “Ami kontenti ho festival Kultural Rabilau Tamba Involve Tema barak husi municipiu hotu iha Timor Leste, membru do governu nomos maluk sira husi estrangeirus.”
Husu konaba oinsa prsidente turismo komunitariu nia komentariu ba Presidente da Republica Jose Ramos Horta hili fatin Rabilau hodi realiza Festival kultural Rabilau, Adelino Mendonça Espirito Santu hateten;
“Primeiru atu hato’o ba prezidente da Republika bele hili fatin ne’e sai fatin festival ba momentu ida ne’e, ami kontente no agrade, segundu agradese no obrigadu ba autoridades hotu tantu sivil no military hodi lori prosesu hotu la’o mai to’o ohin, ami kontenti ho festival ida ne’e laos deit ema husi rai laran maibe mai mos husi munisipio hotu, e laos rai laran deit maibe mos estrangeirus, ami senti katak uluk ami mesak mais ohin ho entidades hotu ami senti rabilau labele hela hanesan ne’e, sei bonita no bonito ba bebeik nomos agradece ba parte hotu nia kontribuisaun ita sei bele dejenvolve diak liu tan ba futuro bele dada liu tan vizitantes no estranjeiru tantu lokal,no estrajeiros atu nune fo servisu ba ita nia joven sira nebe laiha servisu”.
“Wainhira ita hare ba festival ne’e nia benefisiu barak maibe ita nia povo agrikultura sira no grupu hortikultura sira desde horseik to ohin sira lori sira nia produtu hotu mai halo aprejenta iha ne’e sira hetan rendimentu husi neba maske ita labele halo predisaun maibe sira lubuk ida mai hatudu no fan sira nia produtu lokal iha ne’e, nune’e sira bele hetan osan uitoan husi ne’e, tamba ne’e ho festival ida ne’e bele mos investe hela osan ruma ba ita nia komunidade no povo ne’ebe mak agora daudaun iha ne’e”. Haktuir adelino Mendonca Espirto Santo.
Iha Fatin hanesan Chefe do Suco Maubisse Villa Wilson Nivio Mendonca Haktuir mos katak;
“Eventu festival Rabilau iha momentu ne’e mos ita halo inagurasaun ba uma lisan rua ne’ebeke destaka iha sitiu tuirsmu Rabilau, ne’ebe nia konstrusaun ida ne’e rasik hetan apoiu husi ministerio turismu iha oitavo governu konstitusional. Tamba ne’e, hanesan autoridade iha suku Maubisse Villa, hau senti kontenti teb-tebes no previleio bo’ot ida, tamba ita nia membrus do governo sira hotu bele partisipa liu-liu ita nia Prezidenti da Republika, ne’e ita bele dehan katak ho Presidente da Republica nia vizita ida mai iha rabilau iha 2023, ho aniversario trasaun Jep nian, ne’ebe hanesan fó korazen mai ami ikus bele halo eventu festival ida iha rabilau ho ninia promesa ne’ebé nia hato’o ohin ita hare katak nia realiza duni nia promesa sira, tamba ne’e hanesa autoridade senti kontenti tamba ema hotu bele mai vizita fatin rabilau, no ba futuru bele sai di’ak liu nune’e bele atrai liu tan vijitante sira”.
Chefe Suco Maubisse Villa Aktual Vice Presidente Warda Dezemvolvimentu Turismu Komunitariu Maubisse Mauloko ne’e haktuir liu tan katak;
“Ho Festival Kultural Rabilau hein katak bao in bele melhora diak liu tan ita nia kultura, hortikultura, turismo, nune’e hatudu ba publiku katak labele promove deit produtu husi nasaun seluk ne’e ladun diak, maibe oinsa mak ita bele promove ita nia produtu rai laran nune’e bele dada vijitante sira mai barak liu tan iha rabilau nomos fatin turismo seluk iha Maubisse”. Dehan Chefe Suco Maubisse Villa Wilson Nivio Mendonca.
Fatin Turimsu Komunitariu Rabilau Maubisse sei la promove produtu instan sira hanesan pop mie, supermi, sosis, ho tan produ instan sira seluk husi rai liur, maibe sei promove deit mak produtu local ne’ebe maubisse iha hodi hatudu ba publiku no mundo katak koalia konaba turismo komunitariu so bele existe deit mak produtu local ou produtu rai laran.
Chefe Aldeia Rimori Miguel da Costa Pires, ne’ebe hanesan nain ba area Rabilau Maubisse iha nia intervista ba Radio Komunidade Maubisse Mauloko, haktuir katak;
“Hanesan autoridade lokal senti kontenti tebes tamba ho festival Rabilau hetan prezensa husi Nai Presidente da Republica, Vice Primeiro Ministro Mariano Assanami Sabino, no tuir observasaun ne’ebe hau hare mak mak lideransa nain rua ne’e apresia ho paisajem rabilau ne’ebe furak tebes no husu atu parte hotu bele koopra hodi hadia diak liu tan fatin ne’e iha futuru nune’e vijitante sir abele mai passa tempu no deskansa iha ne’e.” Dehan Chefe Aldeia Miguel da Costa Pires.
Perante festival kultural Rabilau husi iniciu preparasaun hetan participasaun maksimu husi entidade oi-oin, hanesan presidensia da republica, governu, komunidade, lia nain, no grupo kultural sira husi trezi municipius nomos maluk sira husi rai liur, liu liu korpu diplomatiku sira, iha abertura festival Rabilau to’o enseramentu. Festiva Rabilua ne’e hahu iha dia 16 de Outubro 2024 no termina iha dia 18 kalan 2024 ho distribui premiu ba manan nai sira.
Jornalista : Melania Alves Lemos
Editor : Joaquim Coutinho
