Rakom Maubisse,16/10/2024, Prezidenti da Repúblika José Ramos Horta husu ba autoridade no komunidade sira tau lixu Iha Fatin no tenki tau matan ba meiu ambiente no mós kuda ai iha sitiu turistiku Rabilau Suco Maubisse Villa, Posto Maubisse Municipiu Ainaro.
Iha Diskursu Presidente da República José Ramos Horta hateten katak;
Objetivu husi festival ne’e maka atu lori Potensia Turismu lokal ba mundu no lori mundo mai Timor, tamba ne’e, Tau matan didiak ba buat ne’ebé propriedade estado no públiku , e ita boot sira nia propriedade, ne’e duni ba Autoridade sira hotu labele soe lixu arbiru, tenki tau matan ba meiu ambiente, obrigatoriu atu mobiliza populasaun autoridade para bele hamoos Munisípio no kuda ai iha Munisípio. Agradese ba Governo Primeiro Ministro ho nia membru Governo ne’ebé tau matan no mobiliza ba rekursus sira.” Hateten Prezidenti da Repúblika José Ramos Horta.
Iha fatin hanesan Vice Primeiru Ministro Mariano Asanami Sabino hateten katak;
“Festival Kultural Rabilau lidera direta husi Secretario Estado arte no kultura, e hamutuk ho ha’u, nu’udar Vice Prezidenti, ida mak ita nia Gabineti, Prezidenti da Repúblika, Adjunta chefe casa civil, agradese ba Ministru sira ne’ebé mak apoiu tomak, sai membru ba Komisaun organijadora, Obras públika nia apoiu tomak, edukasaun halo ona atividades lubuk ida, juventude desportu halao ona nia papel importante, komersio industria, vice Ministra, turijmu, secretariu esrado protesaun civil, ba membru Governo tomak, agradese apresia ba imi hotu nia servisu, e ba EDTL apresia ba servisu ida ne’e, hakruk e respeita autoridade Munisipal Ainaro, Administrador Munisípio haat, chefe suku, chefe aldeia, lider lokais sira hotu, inklui lia nain sira, apresia ba hotu-hotu ne’ebé ke apoiu konaba atividade ne’e, ita hamutuk fó ita nia apresiasaun ba veteranus sira, ba General lere,reprezenta Falintil sira hotu.”
Nune’e mós Reprezenta Prezidenti Autoridade Munisípiu Ainaro Ruivo Magno iha nia intervensaun hato’o mos katak;
“Liu husi transformasaun potensia Turizmu lokal, hodi refitalija seitor komersio rural, hanesan uma nain Ainaro tenki orgulho no agradese ba inisiativa no hanoin inisiativu, ami iha konfirmasaun katak Festival Rabilau sei introdus ita nia potensia turizmu ba mundu, no sei dada mundu mai Timor-Leste liu liu Munisípio Ainaro”. Dehan Prezidenti Interino Autoridade Minisipal de Ainaro Ruivo.
Prezidenti Interino Autoridade Munisipal de Ainaro fundamenta “Ami mós hakarak espresa ami nia sentimentu degratidaun ba apoiu, meza, kadeira, husi nai Prezidenti ami sei uja hodi suporta atividade Night market no hodi selebra loron 28 de Novembro agora, nai Prezidenti nia apoiu posibilidade autoridade regularmente organiza Night market iha villa Ainaro hodi realija industria kajera lokal, finalmente mai ita halibur forca no potensia hodi servisu badinas liu tan, e ami nia votus de felisitasões e sussesu ba Festival Kultural Rabilau”.Ruivo manifesta.
Enkuanto iha cerimonia ba Abertura Festival Kultural Rabilau Maubisse ne’e partisipa husi, Prezidenti da Repúblika José Ramos Horta, Vice Primeiro Ministro Mariano Asanami Sabino, reprezenta Prezidenti Autoridade Munisípiu Ainaro Ruivo Magno, Membru do Governo, Membru Parlamentu, korpu diplomátiko, grupu kultural husi 13 Munisípiu inklui Munisípiu Ainaro, no mós vizitantes sira husi rai liur no rai laran.
Jornalista : Luciana Reis da Cruz
Editor : Joaquim Coutinho
