Racom Maubisse-2024, Aldeia Blehetu Suco Mulo Posto Administrativo Hatobuilico Municipiu Ainaro desde Tempu Portugues  mai to’o ukun-an seidauk asesu ba Estrada, be mos no eletricidade, tamba ne’e komunidade ho iniciativa rasik hadia estrada nune’e bele asesu ba merkadu, oan sira ba escola. maske Timor Leste Ukun-an Tinan 24 ona, Maibe Komunidade Blehetu Hatobuilico Seidauk Sente Beneficiu Husi Ukun Rasik-an, Tamba Seidauk Asesu ba Estrada, Be Mos no Eletricidade

Aldeia Blehetu Potensial ba hortikultura mak hanesan modo, fehuk ropa batar, koto, lis senoura ho tan produtu local seluk, nomos aldeia blehetu mos potensial ba seitor turismo ne’ebe infeita ho natureza, uma tradisional ne’ebe sei orijin, foho no ai-horis sira.

Relsiona ho kondisaun estrada ne’ebe at, hodi difikulta komunidade sira lori produtu local ba merkadu, ba radio komunidade maubisse Mauloko Ananias Soares hateten katak;

“Estrada ne’e defikulta tebes ami komunidade iha ne’e, tamba wainhira loron hanesan ne’e diak  maibe tempo udan araska ituan, populasaun atu asesu ba merkadu ne’e susar tebes no ami nia oan sira ba eskola moss usar, tamba labarik sira husi aldeia blehetu tenke ba eskola iha aldeia queorema suco nunumogue nian, tamba ne’e husu ba governu sebele ajuda hadia estrada ne’e liu husi programa PNDS”.

Aliened ne’e mos Ananias husu ba governu atu dada mos linha eletricidade ba aldeia blehetu tamba durante ne’e komunidade seidauk hetan roman eletricidade, maske fatin ne’e riku ho beleja natural no hortikultura maibe roman ba eletricidade to’o agora seidauk asesu husi komunidade.

“Ami rona dehan EDTL atu mai sukat ona tama mai aldeia Blehetu maibe to’o agora seidauk realiza, tamba ne’e ami husu ba governu atu taumatan mai ami, nune’e bele dada lalais eletricidade mai ami nia aldeia nune’e ami bele hetan mos naroman hanesan aldeia no suco sira seluk. Tamba iha ne’e labarik sira eskola alabrik sira lori deit lampada e dalaruma uja solar panel, maibe wainhira kalohan taka metin entaun to kalan solar panel lakan  ladun forsa no aki mos ladun forsa entaun difikulta oan sira nia estudo”.

Iha fatin hanesan Claudina da Conceição  reforsa liu tan kata kami hakarak goveru hadia ami nia Estrada nune’e bele facilita ami lori produtu local sir aba merkadu, no ami nia oan sira mos bele asesu ba eskola.

“Ami nia aldeia blehetu susar ba buat tolu mak importante be mos, Estrada no eletricidade, tamba ne’e husu ba governu atu taumatan mai ami liu husi hadia ami nia Estrada, dada eletricidade mai ami nia aldeia no kanaliza be mos, ami hare aldeia vijino sira ahi lakan Estrada diak maibe ami nia aldeia to’o agora aho no Estrada e be mos laiha ami triste tebes”.

Total populasaun iha aldeia blehetu Suco Mulo hamutuk 300 ital no xefe da familia 120 no produtu lokal mak hanesan koto, fehuk roupa, repolh, lis, modo metan no seluk seluk tan.

Reportajem : Racom Maubisse