Racom Maubisse /24/08/2024  Politika Ministeriu da Edukasaun nian mak oinsa atu abranze edukasaun ba to’o iha nivel baze hodi lori edukasaun besik ba komunidade sira, relasiona ho politika Ministeriu da edukasaun nian ne’ebe mak iha Escola Bazika Filial 1,2 Tatiri halao mos konstrusaun ba Edificiu ida iha Tatiri nune’e bele halao Ensino aprendisazem ba estudante sira iha fatin refere.

Relasiona ho serimonia inaugurasaun ne’ebe mak ministerium edukasaun planeia hodi halao inaugurasaun simbolikamente iha Suco Nunumogue, nune’e manorin nain no responsabel escola EBF 1,2 Tatiri kontinua realiza serimonia kultural ida iha EBF Tatiri hodi husu lisensa no matak malirin, nune’e bele uja edificiu refere hodi halao Ensino aprendisazem.

Ba Jornalista Radio Maubisse  Presidente Konstrusaun EBF Tatiri Augusto Pereira iha nia intervensaun hatete katak;

“Ohin ita konvida Diretor Edukasaun Munisipiu Ainaro, Administrador Postu, chefe do suco partisipa iha seremonia nee tanba antes nee inagurasaun ita loke ka sudi ahi iha suku nunomoge tanba inagurasaun eskola 4 iha ne’eba entaun ohin ita konvida autoridade inan aman sira atu taka fila fali nunee kuidadu ita nia oan no komunidade iha aldeia tatiri suku mulo”.

Nunee mos iha fatin hanesan Kordenador Interina EBF Tatiri  Josefa Britos haktuir mos katak;

“Tanba Ministeriu da Edukasaun liu husi Diresaun Edukasaun Munisipiu Ainaro atu tau matan ba profesores iha eskola EBF Tatiri tanba to’o agora profesores permanente nain lima kompostu feto rua no mane tolu maibe labele kobre atu hanorin estudante sira. Tama ne’e husu ba Eduksaun Munisipiu Ainaro katak karik teste ba segunda parte atu aumentan tan professor ballu mai EBF Tatiri nunee bele kompleta ensino aprendizasem iha Eskola EBF Tatiri. Ami mos agradese tanba bele iha ona edifisiu foun maibe professor mak la sufisiente nunee karik ba oin teste kandidatura ba segunda faze keta haluha atu koloka mos professor balu mai tan EBF Tatiri”.  

Hatan ba preokupasaun nee Diretor Munisipiu Aianro Patricio de Araujo Hateten katak;

Ita hanoin hela maibe tinan nee rekrutamentu ba primeira faze koloka mai munisipiu Ainaro hamutuk 43 pessoas deit, maibe 14 pessoas ema munisipiu seluk, tamba professor sira la toman  ita nia klima entaun la too fulan ida ou rua sira fila ona, tanba ne’e mak karik teste kandidatu faze daruak hau sei haree ba EBF Tatiri nia preokupasaun no sei haruka tan profesor ida mai atu kompleta nain 6 nune’e bele kobre husi primeiro ano ba too 6 ano. Tamba ne’e, ha’u husu ba inan aman sira fo hanoin ba oan sira labele estraga edifisiu foun ne’e no kuida nafatin karik mak estudante sira estraga maka inan aman sira maka responsavel atu hadi, maibe kontenti tanba edifisu nee kuaze tinan ona maibe sei diak no foun hela, karik maka estudante sira estraga hanesan vidro ka tuda kalen nakles maka sei bolu inan aman sira sosa foun tau fali ba, tanba estadu halo edifisiu foun atu dezenvolve ita nia oan sira iha seitor edukasaun ba futuru ida diak liu nune’e kontribui ba futuru Timor Leste .

Equipa Kobertura  : Jornalista Radio Maubisse