Racom Maubisse 25/08/2024, Relasiona ho komemorasaun aniversariu konsulta popular 30 de Agosto 1999 ba dala 25, Administrador Postu Maubisse relaize enkontru ho Lina Sektorais sira iha hodi prepara ba selebrasaun 30 de Agostu Konsulta Popular Ba Dala 25 iha Maubisse. Enkontru nee realiza tanba atu komemora loron konsulta popular ba dala 25,Tamba ne’e konvida parte hotu mai atu soe hanoin hamutuk nune’e bele realiza eventu historiku ida ne’e ho diak.

Ba Jornalista Radio Komunidade Maubisse Mauloko Administrador Postu Maubisse Joaquim Soares Salsinha Hateten katak;

“Sorumutuk ne’e realiza tamba hetan orientasaun husi Municipiu, no governu sentral liu husi Ministeriu Administrasaun ESTATAL (MAE) tamba ne’emak ohin ita konsentra iha ne’e atu halao enkontru nune’e bele husu ideias husi asembeleia hodi bele realiza serimonia konaba konsulta popular 30 de Agosto tinan nee’e tamba tinan nee kompleta 25 ba referendum, antes ita hakat too dia 30 de agostu buat lubuk ida maka ita sei realiza hahu husi dia 26 de Agostu too 30 de Agostu”.

Atividade komemorasaun 30 de agostu nee laos iha postu deit maibe mos eskola sira, tanba nee mak ita konvida inspektor Escolar zona A ho B no diretores no adjunto eskola sira atu partisipa nunee bele entende molok reliaze iha eskola sira.

Participa iha sorumutuk ne’e maka funsionariu Administrasaun Posto Maubisse, Edukasaun Saude, Chefe do Suco sira inklu media Racom Maubisse.

Ekipa Kobertura; Racom Maubisse