Racom Maubisse-2024, president da Republica iha ona planu fixu atu realiza festival kultural ida iha Rabilau Maubisse, depois de vijita Súa Santidade Papa Francisco nian iha Timor Leste, tamba ne’e tuir informasaun husi Adjunta Chefe Casa Sivil Presidente da Republica katak programa Festiva Rabilau maubisse sei realiza iha dia 27-30 de Setembro 2024, relasiona ho programa festival kultural refere tekniku husi kompanhia Fortuna Estar Adriano Amaral konfirma katak Projeitu emergensia rehabilitasaun ba Estrada Rabilau Maubisse-Lequite hodi realiza Festival Kultural Rabilau Atinji Ona 50%, tempu badak sei finalize uluk kilo ida ho metro atus rua husi rabilau sai mai entrada dalan ba suco liurai, nune’e bele realiza festival refere no kilo lima sei kontinua no duransaun projeitu ne’e ba tinan rua.

Relasiona ho programa Festival kultural Rabilau ne’ebe sei realiza iha tempu bdak no nakait ho rehabilatasaun Estrada rabilau Maubisse, Adriano Amaral hanesan tekniku ba projeto iha tereno Rabilau Maubisse hateten katak;

“Projeito ida ne’e ninia atenjimento ka nia progresu serbisu por volta de 50% ona molok ba to’o iha dia 27 Setembro hodi realiza programa festival kultural rabilau ne’ebe Nai Prezidente planeia ona maka molok to’o iha 26 de setembro sei finalize, kestaun orsamentu ami hein hela bioqi husi  obras public ne’ebe ba total orsamentu ami seidauk fo sai tamba ami hein osan nain liu-liu obras public, projeto ne’e hamutuk seis kilo metro atus rua, agora lao besik 50%  katak kilo ida resin mak sei finalize nune’e prepara ba programa president nian ne’ebe sei realiza festiva iha rabilau. Haktuir tekniku Adriano Amaral.

Tékniku Adriano Amaral husi kompanhia Fortuna Estar LDA realsa liu tan katak obstakulu ne’ebe kompanhia hasoru mak klima ni trabalhador sira maibe ikus bele hetan solusaun konaba trabalhador sira nune’e servisu lao normal hanesan baibain;

“Durante servisu iha ne’e foin fulan ida nia laran ami hasoru obstakulu barak primeiro klima, ambiente, plantasaun komunidade nian, segundo problema boot liu mak trabalhador liu-liu ida ba kontrato servisu nian, ami nia kompanhia selu tuir estandar SEFOPE nian, mais mai baku liu ituan, tamba ita timor oan hotu ne’ebe fo osan liun ituan soke hau hanoin sira menus liu iha esperiensia serviso e primeiru sira la satisfas mais ami dada malu ikus sira konkorda, sira serviso oras ne’e serviso hotu ona agora ami pagamentu mos hotu ona  ba sira nia direito”. Haktuir Tekniku Adriano Amaral husi kompanhia Fortuna Estar LDA.

Relasiona ho projeitu ne’ebe mak halao husi Kompanhia Fortuna Estar LDA iha Rabilau Maubisse konaba Hadia Estrada saluran no tembok penahan ba preparasaun festival kultural Rabilau, Chefe Suco Maubisse Villa, Wilson Nivio Maria Pereira Mendonca  haktuir mos katak;

“Nudar Chefe do Suku Maubise Vila atu esplika deit konaba konstrusaun ida ne’ebe agora daudaun lao hela iha Suku Maubisse Vila liu-liu iha rabilau, konstrusaun ne’e rasik parte ida husi governo e propoin husi Prezidente Republika, ne’ebe ho ninia prejensa iha aktividades trasaun jeep tinan ida liuba Presidente rasik mak promete hela katak 2023 fin de outubro sei halo festival ida iha rabilau, entaun hare ba festival ida ne’e, entaun ita hare situsauin de estrada ne’ebe liga husi Maubisse Vila mai to’o iha rabilau dalan ladun diak entaun ida ne’e mak mak governo ho prezidente atu bele tau matan no halo konstrusaun ida ba estrada ne’e rasik ba preparasaun festival ne’e”. hateten Chefe do Suco Maubisse Villa.

Iha fatin hanesan Administrador Joaquin Soares Salsinha  haktuir mos katak konaba programa festival kultural Rabilau ne’e ami enkontru dala rua ona, no enkontru ne’e rasik kolaia konaba oinsa halo preparasaun ba festival kultural ne’e enkaixa ho programa lubuk ida maibe tuir hau hare katak todan uitoan tamba hare ba iha kontrusaun sira se fo hotu ba iha kompanhia Fortuna Estar todan uitoan diak liu mak kompanhia hare los deit mak Estrada no ITM seluk fo fali ba kompanhia seluk nune’e bele finalize lalais selae susar. Maibe pronto se governu hakarak fo hotu responsabilidade ba Kompanhia Fortuna Estar ebtaun tenke halais servisu sira ne’e, selae susar. Hateten Administrador Posto Mauvbisse.

Administrador Maubisse ne’e realsa liu tan katak maske hare tempu ne’e besik ona maibe sasan lubuk ida hanesan Estrada deit seidauk bele nahe simenti no buat seluk tan, maske nune’e lideransa maksimu Posto Maubisse ne’e, iha esperansa katak kompanhia sei servisu makas hodi finaliza obra ne’e iha tempu badak.

Henriqueta Maria Da Silva, Adjunta Do Xefe Da Casa Sivil Da Prezidente Da Republika  iha nia vijita hamutuk ho ekipa husi Vice Primeiro Ministro Assunto Social, Obras Public, EDTL ho linhas ministeriais balun iha Rabilau Maubisse, Adjunta Chefe Casa Sivl Presidensia da Republica ne’e haktuir konaba objektivu vijita iha Rabila Maubisse;

“Vizita ida ne’e seguda vizita atu mai hare tereno, ami iha ekipa konjunta ida festival ne’e  husi komponente  haat, komponete arte kultura, depois ita iha mos kompnente husi teknolozia, iha mos komponete ba iha edukasaun nian, iha mos komponete ba desportu, entaun atividade sira ne’e ita implementa to’o iha fulan Dezembro agora daudaun ita sei iha konferensia boot bele hola parte husi siensia e teknologia nian, e agora dau-daun ita mai hamutuk hanesan segunda vizita atu mai halo prepasaun, hare kondisaun tereno indika didiak fatin sira ne’ebe mak atu monta hodi apoiu atividades festival rabilau nian ne’ebe sei akontese iha dia 27 to dia 30 de Setembro, entaun husi ne’e ami ekipa boot ida ne’ebe kompostu husi komponente ha’at ohin dehan ne’e husi mos kompnentes de apoiu sira hotu tamba ne’e programa serviso hamutuk ho prezidente da republika ho governo, ita monta mos komisaun organizadora ida ne’ebe que lidera husi Vise Primeiro Ministro Segundo Sr. Eng Mariano Assanami, entaun husi ne’e mak ekipa ne’e mai, ekpa kojunta  ne’e mai atu halo identifika fatin sira hanesan ohin dehan para atu halo preparasaun diak liu-liu, liga ba obras public, sira hare kona ba dalan hare kona ba estasionamentu sira, hare kona ba palku prensipal sira ita atu tau mos akampanemtu no hare mos areias, ita atu indika ba atividades infantil nian, areas sira nebe ita indika ba ferias, tamba ita sei halo espozisaun, ida mos ba gastronomia ferias produtuus lokais, entaun husi ne’e identifika tiha fatin sira ne’e hotu, ita bele  entrega ona ba obras publi bele halo ona preparasaun balun”. Haktuir Adjunta Casa Sivil Presidencia da República.

Antes realiza festival Rabilau sei hare mos ba atu dada mos saniamentu haris fatin sira, hare mos kona ba linha  internet para bele halo kobertura iha ho diak, e nune’e mos kona ba be’e mos, ita sei hare mos kona ba be’e mos atu oinsa lori be’e sufisienti, bainhira mobiliza ema mai barak iha ne’e konserteza presiza be’e para hodi han hemu haris, tamba ema barak sei hela iha ne’e, ba atividades rabilau gasta osan por volta de trezentus mil ital., ne’e ba deit programa festival kultural Rabilau. No osan ne’e la tamaba ba iha projeitu rehabilitasaun Estrada, valeta no moru satan sira e mos nahe Estrada.

Rekomendasaun ba kompanhia Fortuna Estar LDA mak, tenki aselera lalais servisu, katak fatin ne’e laos ita mak deside, maibe prezidente da republica mak deside, tamba ne’e mak kompanhia tenke aselera, ITM balun ne’ebe mak konsidera hanesan emerjensia bele halo lalais, seluk ne’ebe mak ladun emergensia ba futuro bele kontinuanafatin.

Jornalista : Meliana Alves Lemos

Editor   : Joaquim Coutinho