Racom Maubisse (22/06/2023) Plan Internasional Hamutuk Ho Fundasaun MAHARU Inklui Autoridade Protesaun Sivil (APC sigla Portugés) Munisípiu Ainaro Realiza Surumutuk Refeleksaun Anual Hodi Kuntinua Planu Asaun Tinan Daruak Nian, kona-ba prevensaun redusaun risku dezastre ba Atoridade Suku no liñas sektorais sira iha Posto Administrativu Maubisse Munisipio Ainaro.
Ba Radiu Komunidade Maubisse Mau-Loko Ofisial Monitorizasaun no Avalisaun Plan Internasional Timor- Leste Afonso Caeiro Pires relasiona ho Surumutuk ne’e informa, surumutuk ne’e atu halao reflesaun annual ba aktividade ne’ebé halao ona durante tinan ida kona-ba redusaun risku dezastre ou prontu ba dezastre ba Atoridade Suku no Liñas sektorais sira iha Munisípiu Ainaro.
Oficial monitorizasaun no avalisaun Plan Internasional agrumenta objetivu prinsipal mak atu rona hanoin ruma hosi Atoridade Lokal no sira iha Posto Maubisse núne’e inplemntasaun programa prontu ba dezastre bele lao diak liutan iha futuru.
“Aktividades ohin loron ita hakarak halo refleksaun annual ba implementasaun progeama pronto ba dezastre faze segundu ninian tamba programa refere implementa ona aktividades durante tinan ida iha Postu Maubisse. No ida ne’e krusial tebes atu bele hanoin hamutuk ita Lideransa Komunitariu sira ba prgrama ne’ebé maka implementa ne’e atu sai diak liu tan, ba terjeitu suku 5 iha Maubisse atu bele rona sira nia opiniaun jusetaun no sira nia krítika relasiona ho intervensaun tinan ida nia laran.” Relata Afonso Caeiro Pires 22/06/2023.
Fatin hanesan komandante Operasionais Autoridade Protesaun Sivil Munisípiu Ainaro Afonso da Silva salenta hanesan Autoridade Protesaun Sivil Munisípiu Ainaro sei kopera ho liñas sektorais hotu halao sensibilizasaun ba komunidade sira iha Munisípio Ainaro kona-ba lalaok prevenesaun redusaun risku dezastre iha Munisipio Ainaro.
“Autoridade Protesaun Sivil servisu hamutuk ho Plan Internasional ne’e hanesan Parseiru do Governu ninian atu oinsa haré ba akontesementu dezastre naturais ne’ebé maka akontese iha ita nia Munisípiu, Postu tó Suku tamba ita hare katak tinan-tinan Ainaro ne’e sai hanesan alvu ba risku dezastre”. Tenik Koamdante Protesaun Sivil Munisípiu Ainaro.
Entertatu iha surumutuk ne’e reprejentate Administrador Posto Maubisse husu nafatin ba Atoridade Komunitaria sira atu partisipa maksimu iha sorumutuk ne’e núne’e fila ba Suku ida-idak hodi kontinua fahe tutan iformasaun nebe hetan ba Komunidade sira hodi prevene an hosi dezastre wain hira akontese.
Jornalista Moises Magno
Editór Joaquim Coutinho
