Racom Maubisse-2024, Kada tinan mundu tomak sempre selebra loron mundial ba labarik, inklui Timor-Leste, especial iha Escola Encino Bázico Central 7 de Dezembro Bermoli Maulau Maubisse.
Iha komemorasaun ba loron labarik nian ne’ebe Care Hatutan realiza iha EBC 7 de Dezembro Bermoli Maulau, marka prezensa mos husi Superintendente Edukasaun Municipiu Ainaro Carmelita Salsinha, relasiona ho prezensa Superintendente Edukasaun Municipiu Ainaro nian, ba Radio Komunidade Maubisse Mauloko, Superintendente Edukasaun Municipiu Ainaro Carmelita Salsinha hateten katak;
“Bazeia ba atividade ida ohin nee ita nia objetivu halai liu ba dia das criansas iha mundu tomak importante tebes ba ita nia estudante ki’ik-oan sira iha munisipio Ainaro liu-liu iha eskola Bermoli Maulau ida nee, tamba bele halao atividade iha nee ba criansas sira hodi nune bele atrai labarik sira nia kapasidade, no atividades sira ohin ita observa iha liur neba nee atrai tebes ba sira liu-liu liga ba arte no literasia, tamba ne’e hanesan lideransa edukasaun iha munisipio Ainaro senti orgulho tebes, tanba atividades kapas tebes ba labarik sira”.
Husu konaba oinsa kooperasaun parte edukasaun municipiu Ainaro ho parseiro sira liu liu Care Hatutan, Segundo lidernca edukasaun Municipiu Ainaro ne’e haklaken;
“Edukasaun munisipio Ainaro parseria ho Care Hatutan e kopera sevisu diak tebes hodi nune bele halao atividades ba loron ohin, liu-liu ba dias das criansas ne’ebe ohin halao iha EBC 7 de Dezembro Bermoli Maulau Maubisse. Tamba ne’e ha’u nia recomendasaun ba Care Hatutan harak husu ba sira atu apoi nafatin ba ita nia kikoan sira, no ita nia aktividade ida hanesan nee labele ba deit loron mundial das criasas, maibe mos ba loron importante sira seluk, ligadu ho edukasaun, tamba ne’e ita husu sira (Care Hatutan) atu bele akompanha nafatin ita nia oan sira nune ita nia atividade bele kontinua iha loron sabado ba oin”.
Superintendente Edukasaun Municipiu Ainaro Carmelita Salsinha hatutan liu tan katak;
“Ba numero ita seidauk sedauk sura nebe ida ita hatene kondisaun eskola nebe grave liu nee mak munisipio Ainaru, mai liu iha Postu Maubisse ita bele dehan katak mai iha maubisse nee ba liu iha area remotas mak hanesan EBF Talale Suco Edi, ne mak seidauk diak no uja hela sala de aula ne’ebe konstrui husi banku mundial ninian e mos iha EBF Edi, ne’ebe kondisaun escola refere ninia parede sira kuaze rahun no nakfera, seidauk hadia ka rehabilitasaun no ita hare hela atu bele hetan konstrusaun foun, ita nafatin esforsu no buka tok solusaun para edukasun munisipio bele serbisu makas hodi bele hare parte hirak ne’e, nomos Escola ida iha Lumluli Maulau lolos nee ohin ita atu ba maibe tamba udan la fo tempu para ita bele ba hare kondisaun eskola lumluli nian, maibe ba oin se udan para it abele ba vijita”.
Segundo lideransa edukasaun Municipiu Ainaro ne’e antes termina reforsa liu tan katak, Iha eskola hatudu ita bele dehan katak kondisaun aat duni, maibe hanesan superintedente munisipio, haruka ona ekipa inspensaun rekolha ona dadus nune’e bele rekomenda ka relata ba iha ministerio”.
Participa iha komemorasaun loron mundial ne’ebe organiza husi Care Hatutan ne’ebe realiza iha EBC 7 de Dezembro Maulau ne’e, Superintendente Edukasaun Municipiu Ainaro, Inspektur Escolar, Directores Escola, Professores, no estudante sira husi Escola Bermoli Maulau Maubisse.
Jornalista : Juvito Maria Nunes
Editor : Joaquim Coutinho
