Racom Maubisse-2024, relasiona ho tomada de posse ba konselho Pastoral Paroquia Maubisse ne’ebe mak indika husi Amu Paroco maubisse, no hetan tomada de posse husi Súa Eminencia Dom Virgilio Cardeal do Carmo SDA, ba Radio Komunidade Maubisse Mauloko, liu husi intervista, Dom Virgilio Cardeal, Parabeniza Konselho Paroquial Maubisse ne’ebe mak foin Posse.
“Ba Konselho Pastoral Paroquia Maubisse ninian ne’ebe mak foin tomada de posse, primeiru ha’u nia parabens ba membro konseho foun ne’ebe disponibiliza sira nia-an atu bele kolabora ho Pároco nune’e bele hadiak liu tan servisu iha paroquia ida ne’e, liu-liu enkoraja nafatin ba sira tamba sira nia-an tamba ne’e husu katuas sira atu buka servisu hamutuk diak liu tan ba nececidades oi-oin paroquia ninian, e liu-liu nececidades pastoral tamba tinan ida ne’e, hanesan ita hatene katak ho vijita Amo Papa nian mos, sei iha formasaun lubuk ida, sei halo formasaun ida nee involve sira hotu iha laran, nune’e oinsa ajuda sosializa, tulun ema hirak ne’ebe mak prepara-an didiak ba vijita Amo Papa ninian, ida ne’e ita hotu no sira nia servisu, parabens ba sira e mos hau nia desezu para sira atu bele servisu hamutuk nudar tim, laos serviso mesak, servisu mos nudar tim ou ekipa ida, ekipa paroquia ninian, nune’e komunidade senti unidade ida ne’e Pároco nudar Chefe hamutuk ho nia membro konselho sira hotu servisu hamutuk atu bele halao didiak kna’ar ida nee, ha’u hanoin kna’ar ida ne’e sai hanesan sasain ba komunidade ne’ebe importante liu.
Dom Virgilio haktuir liu tan konaba Festa Fahi ulun ne’ebe responsabiliza husi Suco maulau no entrega ba Suco manetu katak
“Festa kultura nian nee laos buat foun ida iha maubisse, ne’e buat ida ne’ebe tin-tinan imi halo tiha ona tamba ne’e, enkoraja nafatin ba imi halo diaik liu tan ne’e sai hanesan kultura ida, hanesan ohin ita rona katak 30 anos tiha ona mak halo buat ida nee, kada tinan hein katak buat foun sei mosu nafatin, melhora diak liu tan, atu liu husi ida nee mak hanesan ita nia tema ba vijita Amo Papa ninian ne’e bele koalia kona ba; “Atu ita nia fiar sai hanesan ita nia identidade, ita nia kultura sai hanesan ita nia fiar, ita nia identidade liu husi espresaun kultura hatudu ita nia fiar, oinsa husi kultura ne’e ita bele mos hahi Maromak liu husi buat ne’ebe Maromak tau iha ita nia an” ne’e oportunudade diak ida, hein katak bele hetan oprtunidade diak liu tan oinsa halo inkulturasaun diak kona ba ita nia kultura”. Hakotu Dom Virgilio.
Participa iha Missa solene hodi komemora loron padroeira Paroquia Maubisse nian ba dala 41, mak hanesan, Súa Eminencia Kardeal, Koamndante Jeral PNTL, Amu Paroco Ainaro, Amu Vigariu Motael, Presidente Autoridade Municipal de Ainaro, Administrador Posto Maubisse, Koamndante PNTL Posto Maubisse, Director Hospital Referral Maubisse, Lia nain, veteranus ho sarani Paroquia Maubisse.
Jornalista : Meliana Alves Lemos
Editor : Joaquim Coutinho
