Racom Maubisse-2024, Presidente Autoridade Municipal de Ainaro, Manuela Georgina C. Bucar Corte-Real, Participa iha Missa Solene Padroeira Paroquia Imaculado Coração de Maria Maubisse (PICOMA) no Serimonia Kultural Entrega Fahi Ulun husi Suco Maulau ba Suco Manetu iha Paroquia Maubisse.
Ba Radio Komunidade Maubisse Mauloko, Presidente Autoridade Municipal de Ainaro, Manuela Georgina C. Bucar Corte-Real, hateten katak;
“Agradese tebes ba Paroquia Maubisse, tamba selebra ona mahein Paroquia Maubisse nian, ohin atividades ida boot tebe-tebes katak fo responsabilidade kada suku hodi organiza husi atividade kultural nebe mak liga ho igreja, Maubisse sai hanesan exemplo ba paroquia 3, mak hanesan Paroquia Ainaro, Paroquia Hatu-udo, no Paroquia Hatubuiliko, ne’e kapas tebes ita bele tau hamutuk kultura ho fiar hamutuk deit, ida nee kapas teb-tebes, iha kultura mos iha buat pozitivo barak, iha igreza hanorin ita buat diak deit, iha buat rua nee ita tau hamutuk fortifika ita nia fiar nudar ema kristaun katolika”.
Husu konaba oinsa Parte Autoridade Municipal nia preparasaun ba simu Súa Santidade Papa Francisco, ne’ebe sei vijita Timor Leste, Presidente Autoridade Municipal de Ainaro, Manuela Georgina C. Bucar Corte-Real, haktuir liu tan katak;
“Primeiru hakarak informa deit katak ami halo tiha ona ekontro primeiru iha fulan kotuk amu Pároco sira hotu iha Ainaro participa iha ekontru ne’e hodi hare despacho ne’ebe mak husi Ministeiro Administrasaun Estatal fo nune’e bele kria estrutura ida hodi halo preparasaun ba Vijita Súa Santidade Amo Papa nian mai vijita Timor. Hanesan Dom Virgilio hato’o ona katak, autoridade la lao mesak, katak komunidade, Igreja, Policia, saude, Bombeiros, sei kria ekipa ida nune’e akompanha ita nia sarani sira ba to’o iha ne’eba, tamba ne’e iha dia 14 agora ita sei halo segundo enkontro para atu hare tok mensajen ne’ebe primeiru ita hato ona ba iha parokia sira nee hato ona to’o iha sarani sira ka lae, tamba ita sei uja kanal ida liu husi autoridade sira mak hanesan administrador do postu, sefe suku sira, sefe aldeia sira, no mos ita nia katakista sira, para rejista ita nia sarani sira nebe mak hakarak ba partisipa iha dia 11 vijita Súa Santidade Amo Papa iha Timor”.
Antes termina PAM konklui katak, Sarani mak povo, povo mak sarani, tamba nee mak iha buat diak barak nebe mak ita aprende, ita hatene husi Igreja hanesan hahalok diak sira, mai ita kontinua kaer nafatin fo liman ba malu hodi dezenvolve Ainaro liu-liu iha postu Maubisse.
Participa iha Missa solene hodi komemora loron padroeira Paroquia Maubisse nian ba dala 41, mak hanesan, Súa Eminencia Kardeal, Koamndante Jeral PNTL, Amu Paroco Ainaro, Amu Vigariu Motael, Presidente Autoridade Municipal de Ainaro, Administrador Posto Maubisse, Koamndante PNTL Posto Maubisse, Director Hospital Referral Maubisse, Lia nain, veteranus ho sarani Paroquia Maubisse.
Jornalista : Meliana Alves Lemos
Editor : Joaquim Coutinho
