Racom Maubisse-2024, Relasiona ho Politika Nono Governu Konstitusional, liu husi Ministeriu da Edukasaun hateten katak tinan 2024, Edukasaun sei rekruta propfessores foun sira hodi priense ba fatin sira ne’ebe sei mamuk iha teritoriu nasional.
Relasiona ho Politika Ministeriu Edukasaun refere, maka Municipiu Ainaro tinan ida ne’e Ministeriu da Edukasaun rekruta professores foun hamutuk 45 pessoas hodi koloka mai municipiu Ainaro.
Ba Radio Komunidade Maubisse Mauloko Superintendente Edukasaun Municipiu Ainaro Carmelita haktuir katak;
“Husi Municipiu Ainaro ita hetan professor foun hamutuk 45 pessoas, entaun ida nebe mak munisipio Ainaro simu 44 e nain ida halo tia karta rezignasaun entaun 44 mak mai entaun ita simu husi munisipio Ainaro koloka kedas mai iha Postu Maubisse, tamba iha Maubisse mak menus liu professor. Eskola EBC 6 iha Maubisse laran hetan hotu”.
Husu konaba ba oinsa prosesu destakamentu, superintendente haktuir;
“it nia destakamentu bazeia ba escolar sira ne’ebe mak sei menus professors e destakamentu ba professor inkui mos eskola filial balu ne’ebe sei menus professor, maske ita halao ona destakamentu ba professors sira, ministeriu da edukasaun sei presiza tan tamba professor seidauk to’o nafatin”
Superintendente Municipiu Ainaro ne’e haktuir liu tan konaba displina katak;
“Sim koalia kona ba disiplina entaun oras ne’e dau-daun ministerio mos prepara hela ba iha bolsa de kanidatu ba II faze, depois de ekipa registu tiha hakat fali ba iha teste eletronika, liu husi teste ne’e mak professores hira mak pasa mak foin aloka mai iha Maubisse”
Ha’u nia liamenon ba gabinete diritivo no professores sira, ba kordenador eskola sira mak ida ne’e, ita hare liu ba iha pontualidade ba serbisu, tanba nee mak professores sira labele hatudus faltas nebe barak, sai manorin nebe diak hodi kontribui ba kualidade edukasaun iha ita nia fatin ne’ebe mak halao kna’ar ba.
Iha fatin hanesan Edukasaun Projek Officer Carlos da Cruz husi Care hatutan hateten katak;
“Objetivo husi aktividade ida ne’e mak komemora loron mundial ba labarik sira iha mundo inklui labarik estudante sira iha EBC 7 de Dezembro Bermoli Maulau Maubisse, no iha loron ida fulan Junho ne’e hanesan fo lembra fila fali labarik sira atu sira hatene katak sira nia loron mak 1 de Junho”.
Participa iha komemorasaun loron mundial ne’ebe organiza husi Care Hatutan ne’ebe realiza iha EBC 7 de Dezembro Maulau ne’e, Superintendente Edukasaun Municipiu Ainaro, Inspektur Escolar, Directores Escola, Professores, no estudante sira husi Escola Bermoli Maulau Maubisse.
Jornalista : Juvito Maria Nunes
Editor : Joaquim Coutinho
