Racom Maubisse-2024, Komandante Jeral PNTL Komisariu Henrique da Costa ho Espoza Participa iha Festa Padroeira Paroquia Imaculado Korasaun de Maria Maubisse ba dala 41, ho Serimonia Kultural entrega fahi ulun husi Suco Maulau ba Suco Manetu iha Paroquia Maubisse.
Ba Radio Komunidade Maubisse Mauloko, Komandante Jeral PNTL Komisariu Henrique da Costa, hateten katak nia sente haksolok tamba bele participa iha serimonia importunate ida ne’e, e pela primeiraves Sarani Paroquia Maubisse simu ho tradisaun Maubisse nian.
Husu konaba oinsa Parte PNTL nia preparasaun ba Simu Súa Santidade Papa Francisco ne’ebe sei mai vijita Timor Leste iha Tinan ida ne’e, Komandante Jeral ne’e esplika;
“Parte seguransa nasional Timor-Leste ninian ita indika ona Segundo Komandante PNTL Komisariu Padre Belo mak hanesan kordenador seguransa ne’ebe junta hamutuk ho ekipa sira husi governu ninian, ita sei hatun ita nia rekursus tomak, para atu nune ita hodi asegura vijita Sua Santidade Papa Francisco nia Vijita iha Timor Leste, ida ne’e laos dehan ita uja deit rekursu ne’ebe ita iha deit, maibe ita mos sei servisu hamutuk ho parte auturidade sira, tantu sivil e mos husi parseiro sira husi forsa defeza (F-FDTL) ninian atu nune’e bele garante seguransa ba iha vijita ida nee. laos to’o loron mak ita halo servisu, maibe agora ita instala ona ita nia komunikasaun ho parte sira seluk para nune’e halo preparasaun ba iha vijita ida nee”.
Komandante Jeral PNTL Komisariu Henrique da Costa hatutan liu tan katak, nia parte agradece ba konvite husi amu paroco no komisaun organizadora tamba bele konvida mai participa iha serimonia importante ne’ebe realiza iha Paroquia Maubisse;
“Primeiru ha’u hakarak agradese ba Amo Pároco Maubisse nebe ne’ebe mak fo konvite ba ha’u hodi mai partisipa iha serimonia ida nee, ita hatene katak atividades sira hanesan ne’e, presisa prejensa parte seguransa iha munisipo ninian, hodi marka prejensa iha atividade Religioso ninian, tamba ita hatene katak prejensa komunidade nian nee barak atu nune policia nia prejensa nee laos atende deit ita nia komunidade sira iha tempo problema, maibe iha tempo sira hanesan nee ita tenki hamutuk ho parte komunidade depois ita nia Igreija ba selebra loron ba mahein Parokia Maubisse nian, hanesan Ita hatene katak policia numeru ki’ik, nee ita labele halon servisu, mas Maubisse Ainaro nia unidade servisu hamutuk iha parte seguransa ninian prezidente Autoridade, Administrador do postu sira, Komandate esquadra ho veteranus sira igreja nivel hotu nian servisu hamutuk hodi kria pas estabilidade iha minusipoi Ainaro partikularmente iha Maubisse”.
Participa iha Missa solene hodi komemora loron padroeira Paroquia Maubisse nian ba dala 41, mak hanesan Súa Eminencia Kardeal, Koamndante Jeral PNTL, Amu Paroco Ainaro, Amu Vigariu Motael, Presidente Autoridade Municipal de Ainaro, Administrador Posto Maubisse, Koamndante PNTL Posto Maubisse, Director Hospital Referral Maubisse, Lia nain, veteranus ho sarani Paroquia Maubisse.
Jornalista : Meliana Alves Lemos
Editor : Joaquim Coutinho
