Maubisse (31/12/2023) Amu Pároco Paroquia Imaculado Coração de Maria Maubisse (PICOMA Sigla Portugés) Padre João Soares hateten ne’e liu husi Homilia iha Missa Sagrada Familia Domingu ne’e hamutuk ho Sarani Paroquianos Postu Administrativu Maubisse Munisípiu Ainaro.
“Ohin loron forma familia ne’e fasil, mais moris hanesan familia ida lolós ne’e laos fasil. Inan Aman balun iha tia ona labarik rua tolu mais fahe malu, Mane buka fali feto seluk no feto buka fali tan mane seluk. Depois husik oan sira abandonadu la hatene futuru oan sira atu sai oinsa dala ruma oan sira dehan hanesan ne’e se hau hatene hau nia Inan Aman ida hanesan ne’e hau bele kolia ho Nai Maromak karik hau lalikan moris diak liu. Dala barak labarik barak frustrasi tamba Inan Aman abandona sira, labarik barak mós frustrasi tamba Inan Aman sira gasta osan ba Uma Lisan, ba Rate nian mais labarik sira ba eskola osan laiha depois labarik sira buka maka krimi” Dehan Nai Lulik ne’e.
Tamba ne’e atu familia ida metin liu nia alserse maka orasaun.
“Hakarak hatete ba familia hotu maka ne’e, ita konstrui uma presija alserse, alserse ba familia maka ida ne’e premeiru Orasaun. Ai-Rin ida tuba alserse ida maka Honestidade, segundu Ai-Rin ida Responsabilidade, Ai-Rin Terseiru Komprensaun Mutua katak nia diak ou la diak hau promote ona, Ai-Rin ida da hát ne’e maka Komunikasaun ka Diálogu. Kakuluk ne’e maka Domin”. Hakotu Bibi Atan ba Sarani Paroquia Imaculado Coração de Maria Maubisse (PICOMA)
Jornalista Moises Magno
