Racom Maubisse (22/12/2023) Amu Pároko Paroquia Nossa Senhora de Graca Hato-Builiku Padre Francisco Soares Fernandes hateten ida ne’e liu husi Nia Homelia iha Selebrasaun Missa Agradesementu  Xefe Suku Re-Eleitu no Membrus Konsellu  Suku Liurai Maubisse  ne’ebé hetan ona Konfiansa husi Povu liu husi dalan Demokrásia.

Nai Lulik ne’e hateten;

“Sai Nai Ulun ne’e laos sai Liurai Maibe Atan, mesmu ema tula Liurai mai ita nia leten maibe ita nia Misaun ne’e hanesan Atan. Naran maka Liurai maibe Misan ka Honra servisu ne’e Atan nian tamba ne’e bainhira ita serbi ema maka ita bele sai Liurai lolós, mais kuandu Liurai la serbi ne’e laos Liurai lolós. Entaun maluk sira ita Xefe Suku, Xefe Aldeia Delegadu Delagada, no Estruktura sira hotu ita labele hare no kontenti katak hau servisu ne’e hetan osan Estadu Seratus Dolar ka Duaratus Dolar ka ne’ebé Estadu fó ba hau, ba hadau malu sai  Xefe Suku, Xefe Aldeia, Delegadu Delegada ne’e laos dehan hetan Osan Estadu, se ita iha hanoin hanesan ne’e maka ita Misaun serbi ninian durante tinan hira ne’e iha Mandatu iha ne’e Percuma deit, tamba ita ba ho intensaun ida hodi hetan osan ne’e ita laos ba ho intensaun ida atu serbi ne’e.” Tenik Bibiatan ba Sarani Paroquia Hato-Builiku iha Suku Liurai Maubisse 22/12/2023.

“Hanesan Jesus Kristu dehan hau mai laos atu imi serbi hau maibe hau mai atu serbi. Sai Nai Ulun atu serbi laos ema atu serbi sai Nai Ulun ne’e laos buat gampang maluk sira, dala ruma ita tur iha uma ita tolok Xefe Suku sira Xefe Aldeia sira konformi ita nia hakarak deit,  koko o maka ba ukun tok no ema seluk sei tolok o hanesan o tolok sira. Ita presija haraik-an ba malu kolaborasaun ne’e imprtante, partisipasaun iha aktividade sira iha Suku no Aldeia ninian importante tamba Nai Ulun ne’e ita maka hili ita Povu tenki Kolabora. Tamba ne’e garante Dezemvolvementu atu lao diak iha Suku Koperasaun Husi Povu nian sai hanesan fatores determinante ba Prosesu hotu.” Hakotu Pe. Francisco Saores Fernandes Liu husi homelia ba Selbrasaun Missa Agradesemntu hamutuk ho Xefe Suku Membrus Konsellu Suku  ho Sarani sira Sesta ne’e Iha Kapela Suku Liurai Postu Administrativu Maubisse Munisípiu Ainaro.

Jornalista            Moises Magno

Editór                 Joaquim Coutinho