Racom Maubisse 28/11/2023) Informasaun ne’e ható husi Premeiru Ministru (PM) Kay Rala Xanana Gusmão Liu husi Nia Diskursu ba Seremonia Tomada de Pose  Xefe Suku no Membrus Kosllu do Suku sira, Ne’ebé le husi Vise Ministru  Saúde Asuntu Fortelesementu José dos Reis Magno hafoin fó Pose ba Lideransa Komunitaria sira iha Postu Administrativu Maubisse Munisípiu Ainaro.

“Governu Rekuiñese Knár esensial husi Lideransa Komunitaria sira hodi kongretiza objetivu hirak estratéjiku relasiona ho Dezemvolvementu Nasional ne’ebé hatúr ona iha Planu Estratéjiku Dezemvolvementu Nasional 2022-2030. Iha Pais ida ne’ebé Riku Soin Natureza hafutu-an metin ho Riku Soin Lisan nian ne’ebé oi-oin, maka ita bainhira halao Estratéjia Dezemvolvementu ita tenki tau ba neon nesasidade hirak ne’ebé espesifíku husi ita nia Komunidade Lokal sira. Hahú ohin ba oin imi maka ema ne’ebé haknár-an atu hamosu vizaun ne’e, imi maka sai responsabel ba tradus Polítika Nasional hirak luan liu, imi nia asaun kongretu ne’ebé bele benefisia direita ba membru Komunidade Lokal hirak imi reprejenta. Iha oras ne’ebé imi hasan funsaun hirak ne’ebé imi simu, hau hakarak Insentiva imi atu haburas Transparensia, Responsabilidade, no simu membru sira hotu iha imi nia Komunidade sira bainhira imi Foti Dezisaun Ruma”. Diskursu Xefe Governu Ne’ebé Lé husi Vise Ministru Saúde Iha Parasa Maubisse Ba Lideransa Komunitaria sira ne’ebé foin simu Pose 28/11/2023.

“Partisipasaun ativa husi sidadaun sira maka sai forsa ne’ebé dudu ba oin Sosiadade ne’ebé prospeiru hodi bele involve membru sira iha imi nia Komunidade. Imi bele hametin ona laos deit lezitimidade iha dezisaun hirak imi foti maibe mós imi hafutu metin liu tan imi nia-an ba Komunidade sira”. Hateten Xefe Governu Liu Karta Diskursu ba Komunidade no Lideransa Imposadu sira.

Nunu Governu mós rekuiñese katak ohin loron Timor-Leste sei infrenta problema no dezafius oi-oin. Maske núne’e nafatin  esperansa katak ba futuru sei mosu opurtunidade oi-oin wainhira mobiliza Timor-Oan sira hotu servisu hamutuk hahú husi Nivel Aldeia no Suku.

“Timor-Leste ohin loron hasoru dezafiu oi-oin, maibe iha futuru sei mosu opurtunidade Oi-oin ita nia dalan atu hakat ba Dezemvolvementu ida ne’ebé sustentavel no atu halao ita nia mehi sira ne’ebé Nivel Nasaun nian tenki mobilija Timor-Oan hotu-hotu no esforsu ida hamutuk,  Mai ita hateke ba futuru ho laran ida nakonu ho optimismu hadi tau ita ulun katak, kada dezafiu ne’ebé ita hasoru ho hakat liu ona sei halo ita sai forti liu tan no tuba rai metin liu tan. Ita sei foti as ita nia diversidade ne’ebé hafutu ita no ita sei hakuak responsabilidade koletiva atu harí Estadu ida kada vez makás liu tan, justu liu tan, prospeiru liu tan, no solidaridade liu tan  ema hotu iha oin.” Remata.

Entertantu ho Komemorasaun loron proklamsaun Independesia 28 de Novembru ba dala 48, no Seremonia Tomada de Pose ba Lideransa Komunitaria husi Suku 9 iha Maubisse, ho nia katividade maka hanesan Domingu loron 26 fulan Novembru Missa Agradesementu ba Susesu Elisaun Suku iha Maubisse, relasiona ho Festa Kristu Nai Liurai nian. Segunda loron 27 fulan Novembru Missa Agradesementu ba Loron Proklamasaun Indepedensia ba dala 48, Hamutuk ho Vise Ministru  Saúde Asuntu Fortelesementu José dos Reis Magno, hodi fó Hondra ba Heroi sira ne’ebé fó sira nia vida ba Luta Libertasaun Patria. No Tersa Loron 28 fulan Novembru 2023 kuntinua ho seremonia dadasa’e Bandeira Nasional hodi Komemora loron Proklamasaun Indepedensia ba dala 48. No Seremonia Tomada de Pose ba Lideransa Komunitaria Postu Administrativu Maubisse Munisípiu Ainaro.

Aktividade sira ne’e hotu iha Postu Administrativu Maubisse lao ho diak no sesu, tamba hetan seguransa másimu husi membru PNTL Esquadra Postu Administrativu Maubisse Munisípiu Ainaro.

Jornalista      Moises Magno

Editór           Joaquim Coutinho