Racom Maubisse (20/11/2023) Lia hirak ne’e ható husi Sekretáriu Estadu Kóperativa (SECoop) Arsénio Pereira da Silva, wainhira hamutuk Ekipa Sekretária Estadu Kóperativa Vizita Grupu Tós nain Sira iha Aldeia Liquitei no Aldeia Tilituku Postu Administrativu Maubisse Munisípiu Ainaro Segunda ne’e (20/11)

“Ekonomia Povu atu metin ne’e liu husi dalan Kóperativa ita tenki iha produtu rasik, ita tenki iha produsaun rai laran para ita bele fornese ba konsumidores, liu husi dalan ida ne’e ita nia osan sei la sai barak ita nia osan sei sirgula iha rai Laran. Kuandu hela metin iha ne’e ema hotu iha osan, ema hotu iha rendementu ne’ebé ke iha hau hanoin povu Timor-Leste ne’e Prosperu duni ho nia rekursu Naturais ne’ebé ke iha, ninia matenek ema sira ne’ebé ke iha nufim ita iha moris ida ne’ebé ke hakmatek estabilidade no mós ekonomikamente ita metin.” Tenik Arsénio Pereira da Silva Sekretáriu Estadu Kóperativa iha Maubisse.

Tamba ne’e atu kogretiza ida ne’e presija ema hotu nia servisu hamutuk hahú husi baze tó iha Nivel Nasional.

“Mai ita hotu-hotu hamutuk nafatin servisu hamutuk tuir Lema Sekretia Estadu Koperativa nian katak, “Servisu Hamutuk Sei Halo Mudansa”. Mai hamutuk habót movimentu atu núne’e ita bele moris diak liu-liu ita nia Ai-Han sira ne’e mós bele sai Soberanu. Iha opurtunidade ida ne’e mós hau hakarak hatete, uluk hau sempre kolia dehan katak “Hau Mai Husi Kampung, Mai iha Kampus Tenki Fila Fali Ba Kampung, Para Bele  Implementa Saida Maka Hau Ba Aprende Iha Kampus”. Dala barak ema la hanoin hanesan ne’e ema hanoin Funsuinariu Públiku maka diak liu, no servisu iha Kapitál maka diak liu maibe na realidade ita iha potensia bót liu iha area rural no area remotas sira ita seidauk explora ho didiak entan matenek sira ba aprende iha Universitáriu tenki fila fali mai para bele imolementa, no aplika saida maka sira ba aprende iha ne’ebá” Dezafia Sekretáriu Estadu Kóperativa (SECoop)

Vizita hanesan sei halao mós ba Komunidade no Grupu tós nain Postu Ainaro Villa, no Postu Administrativu Hato-Udo Munisípiu Ainaro Loron 21/11/2023.

Jornalista      Moises Magno

Editór           Joaquim Coutinho

Xefe Suku Eleitu No Re-Eelitu Husi Suku 9  Postu Maubisse Sei Simu Pose iha Loron 28/11/2023

Racom Maubisse (21/11/2023) Relasiona ho Komemorasaun Loron Proklamasaun Indepedensia 28 de Novembru ba dala 48, no Seremonia Tomada de Pose ba Xefe Suku Eleitu no Re-Eleut Inklui Membrus Kosellu Suku. Tamba ne’e Tersa ne’e Administrador Postu Administrativu Maubisse Claudino Mendonça Konvoka Ekontru dahuluk ho Ho Autoridade Komunitariu Eleitu no Re-Eleitu hamutuk ho Liña Sektoriais ne’ebé situada iha Postu Administrativu Maubisse Munisípiu Ainaro.

Objetivu husi surumutuk ida ne’e maka atu diskute hamutuk kona-ba preparasaun sira hodi komemora loron Istóriku ne’e no Seremonia Tomada de Pose ba Xefe Suku 9 iha Postu Administrativu Maubisse nia konta.

Ba Jornalista Rádiu Komunidade Maubisse Mau-Loko (RKMM) Administrador Postu Administrativu Maubisse Munisípiu Ainaro, Claudino Mendonça hateten;

“Ohin Administrador Postu Administrativu Maubisse halao premeira enkontru ho Xefe Suku Eleitu no Re-Eleitu sira kona-ba preparasaun komemorasaun loron Aniversáriu Proklamasaun Indepedensia RDTL ba dala 48, 28 de Novembru 1975-28 de Novembru 2023”. Hateten Claudino ba Jornalista 21/11/2023.

Autoridade másimu Postu Maubisse ne’e kuntinua hateten, preparasaun sira ne’ebé maka kolia hamutuk iha sumrumutuk ida ne’e maka hanesan, iha loron 26 Fulan Novembru Missa Agradesementu hamutuk ho Xefe Suku Eleitu no Re-Eleitu hamutuk ho Mebrus Konsellu Suku, Loron 27 Missa Agradesmentu ba Komemorasaun Loron Proklamsaun 28 de Novebru ba dala 48 hodi fó Honra no Gloria ba Herois da Patria ne’ebé fó Sira nia Vida ba Luta Libertasaun Nasional, no Ikus iha loron 28 Fulan Novembru kuntinua ho Seremonia dadasa’e Bandeira Nasional hafoin Pose ba Xefe Suku Eleitu no Re-Eleitu, hamutuk ho Membrus Konsellu Suku  Suku 9 iha Postu Administrativu Maubisse,  husi Vise Ministru Saúde.  Dehan Administrador Postu Ba Jornalista Rádiu Komunidade Maubisse Mau-Loko.

“Preparativus sira ne’e maka hanesan sei halo Missa Agrdesementu ida espesial ba Xefe Suku Eleitu no Re-Eleitu sira ho Membrus Konsellu do Suku tomak iha Paroquia Maubisse. Iha dia 27 sei halao mós Missa Agradesementu ba ita nia Herois da Patria ne’ebé durante tinan 24 nia laran sakrifika sira nia vida tomak, maske ohin loron sira la hamutuk ho ita maibe sira rai hela Nasaun ida furak, Nasaun ida Kmanek mai ita hodi kuntinua Dezemvolve Espesial Postu Administrativu Maubisse. Iha dia 28 sei tama ba programa Isar Bandeira depois de ida ne’e sei iha Tomada de Pose Xefe Suku Eleitu no Xefe Suku Re-Eleitu sira. Kolia mós kona-ba depois de Tomada de Pose sei iha Almosu hamutuk ho Komunidade sira, ida ne’e maka asuntu ne’ebé ami kolia hamutuk”. Haktuir Administrador Postu Maubisse.

Entertantu Surumutuk ida ne’e hetan Partisipasaun masimu husi Xefe Suku Eleitu no Re-Eleitu husi Suku 9 ne’eb’e ejisti iha Postu Administrativu Maubisse Munisípiu Ainaro

Jornalista      Moises Magno

Editór           Joaquim Coutinho