Racom Maubisse (21/11/2023)  Administrador Postu Administrativu Maubisse ható parabens ba Xefe Suku Eleitu no Re-Eleitu ne’eb’e nafatin hetan Konfiansa husi Povu Liu husi dalan Demokrásia.

“Parabens ba Xefe Suku Eleitu Manetu, Aituto, Hohrai-Quic, Maulau, Manelobas. Xefe Suku Re-Eleitu Maubisse, Suku Liurai, Fatubessi, Edi Parabens ba ita Bót sira Hotu.” Administrador Postu Maubise hato ida ne’e liu husi Surumutuk Tersa ne’e  iha Administrasaun Postu Maubisse Munisípiu Ainaro.

“Prosesu Elisaun liu ba ne’e úniku tebes tamba Demokrasia fo biban ba ema hotu atu kandidata-an, ne’e hatudu mai ita katak Demokrásia ne’e buars iha ita nia rain espesialmente iha Postu Administrativu Maubisse. Maibe nia rejultadu ikus liu Povu maka disidi katak ita bót sira maka Yang Terbaik ne’ebé parabens dala ida tan ba ita bót sira”.  Tenik Administrador Postu Maubisse.

Alem de ne’e Seremonia Tomada de Pose ba Xefe Suku Eleitu no Re-Eleitu Sei akontese iha Loron 28 Fulan Novembru Tinan ne’e, Hodi Komemora Loron Proklamasaun Indepedensia ba dala 48 iha Postu Administrativu Maubisse Munisípiu Ainaro.

Tamba ne’e ba Komunidade Husi Suku 9 no Aldeia 62 iha Postu Administrativu Maubisse, Nia husu partisipa iha momentu Istóriku ne’e.

Jornalista      Moises Magno

Editór           Joaquim Coutinho