Racom Maubisse, 15/10/2023, Presidente Konselho Imprensa Itelio Ote iha diskursu ba komemora loron liberdade Imprensa iha Posto Administrativo Balibo Municipiu Bobonaro hateten katak, Ita Selebra Loron Nasional Liberdade Imprensa Ne’ebe Konhecido ho Balibo V, Tamba Parlamntu Nasional Aprova loron 16 Fulan Outubro Hanesan Loron Liberdade Imprensa, hodi hanoin hikas jornalista nain 5 ne’ebe mate iha Balibo.
Presidente Konselho Imprensa ne’e haktuir liu tan katak, Tinan hirak liu ba ita konhece loron Balibo V, tamba iha tinan kotuk Parlamentu Nasional aprova konaba loron nasional liberdade imprensa ne’ebe monu iha dia 16 de Outubro ne’ebe ita atu selebra iha dia 16 de Oubtubro 2023. Loron ida ne’e ita hatene katak loron importante tamba, akontese tragedia Balibo ne’ebe jornalista nain lima mate, tamba deit sira nia luta atu dezamina informasaun ba mundo konaba prosesu luta ba libertasaun nasional.
Nia hatutan liu tan katak, Konselho imprensa agora tama ona ba tinan 7 (hitu), hanesan sumbrinha ida ba media hotu hotu, ba media nain hotu hotu, ba jornalista hotu, ba editor hotu hotu, atu garantia katak jornalista hotu atu halao kna’ar bazeia ba kode etika jornalismu, atu garantia katak sidadaun hotu hotu iha asesu ba informasaun, garantia katak sidadaun hotu hotu iha liberdade atu hato’o opiniaun, hato’o transmisaun, atu hari media, ida ne’e mak sinal demokrasia diak iha ita nia rain.
Ita hatene tinan barak nia laran, desde tinan 2000 ate agora dezemvolvimentu media lao makas los, ita nia kontribuisaun ba dezemvolvimentu nasional, inspira povu atu participa iha prosesu dezemvolvimentu nasional lao makas teb-tebes, no ida ne’e mak forma ona ema barak nia karakter, sai sidadaun ne’ebe diak, sai sidadaun ne’ebe demokratiko.
Tamba ne’e mak kuandu tama iha tinan 2004, ou tinan 2000 ate 2004, ami sira ne’ebe servisu iha tempu Indonesia, ami hakerek noticias ho deit lingua Indonesia no iha tinan 2004 mai to’o iha 2010, jornalista sira tama ona iha hakerek noticias ho lingua tetun, tetun ne’ebe iha konfrontasaun atu hili, tetun ida igreja ka, tetun ida INL ka, tetun ida tetun terik Suai nian, maibe kuandu iha tinan 2010 mai, ema hotu kuaze tama tiha ba iha tetun ida INL nian, tamba tetun ne’e iha nia dekretu lei.
President Konselho Imprensa ne’e haktuir nia experiensia rasik katak “Hau rasik kuandu iha tinan 2004 tama iha CARE Internasional hau lidera revista lafaek kuandu ha’u konhese tetun INL infrenta problema, maibe nufim fulan tolu mai oin, ha’u bele hakerek ona tetun INL, no hau fila ba Timor Post hau obriga jornlista sira atu hakerek tetun tuir INL. Tamba ne’e tetun INL agora sai tiha ona lingua ba media sira. Tambsa mak hau koalia ida ne’e, amba jornalisme saida deit mak atu dezemvolve-an lingua mak kriteria ida numeru um, laos ita nia tekniku kobertura laos ita nia profesionalismu, laos ita nia intelektualidade maibe lingua. Buat hotu hotu o bele hetan, maibe bainhira hakerek la hatene lingua buat hotu hotu sai signifikadu tebes, Nune’e mos kuandu ita la hatene koalia lingua Indonesia liu liu jornalista sira ne’ebe hakerek noticas.
Tamba oras ne’e dadaun media hotu hotu kuaze uja tetun INL nian, maske iha media ida rua sei uja tetun prasa, tetun igreja nomos tetun terik, maibe em jeral ita hare katak mayoria media iha Timor Leste uja ona tetun INL.
Tamba ne’e Presidente Konselho Imprensa ne’e husu ba jornalista sira atu aprende lingua, laos tetun deit maibe mos lingua sira seluk, nune’e bele hafacil wainhira jornalista ida hakerek noticias.
Participa iha serimonia ba komemorasaun Balibo V ne’e Secretario Estado Komunikasaun Social, Administrador Posto Balibo, Presidente AJTL, ARKTL, TLPU, Konvidadaus husi Media Indonesia, Jestor Media Hatutan.com, Jornalista, Komunidade Balibo no mos konvidadus sira seluk.
Jornalista Joaquim Coutinho
