Racom Maubisse, 12/10/2023, Ministerio Interior liu husi Diresaun Nasional Prevensaun Konflitu Komunitariu Halao Deziminasaun Konaba Planu Asaun Nasional (PAN 1325) konaba Feto Pas no Seguransa  ba Lideransa Komunitariu no Feto Potensial sira iha Posto Administrativo de Maubisse, Municipiu Ainaro.

Ba Radio Komunidade Maubisse Mauloko, Director Nasional Prevensaun Konflitu Komunitariu, Antonio Viegas, hateten katak;

Objetivo husi atividade ohin nee husi Ministerio Interior liu husi Diresaun Nasaional Prevensaun Konflitu  Komunitario ohin mai iha ne’e atu fahe informasaun ba iha komunidade liu-liu ba iha atoridade local  no mos feto potensial sira atu oinsa sira bele  komprede didiak no konese kona ba planu 1325 PAN 1325.

Director Nasional Prevensaun Konflitu Komunitariu, Antonio Viegas, haktuir liutan katak;

rezolusaun nebe ita hatene ona aprova ona iha Novayorke ou ONU katak hare ba iha Rejolusaun nee observa katak barak liu kona ba iha konflitu nee feto no labarik feto sira mak sofre barak liu iha konflitu, tamba nee mak Ministerio Interior mak lidera hela buat ida bolu naran PAN 1325, agora daudaun ita komesa  prepara  ona  oinsa atu fahe informasaun ba iha ita nia komunidades sira atu komprende.

Antes termina Director Nasional Prevensaun Konflitu Komunitariu, Antonio Viegas, iha nia liamenon haktuir katak katak;

Ha’u hakarak atu husik hela hau nia mensajen iha Maubisse oan sira ne’ebe ohin partisipa iha desimina informasaun koanba planu asaun nasional PAN 1325 nee atu haklaken liu tan ba mane maluk sira atu hare didiak ida nee, tamba ita tenke rekonese mos feto sira nia luta durate iha 75 to’o iha 99, nee ita bele hatete katak sira mos  barak mak mate, sofre no ohin loron mos ita seidauk hatene sira nia hakarak no barak mos sira sei subar  hela, antaun ita mos tau konsiderasaun atu haklaken PAN 1325 ba ema hotu liu liu ba feto no labrik feto no ba ita nia mane maluk sira.

Jornalista Melania Lemos

Editor Joaquim Coutinho